Stronsio
|
|
Chest artícol a l'è scricc in Lumbàrt, ortograféa orientàl unificàda. |
El strónsio l'è 'n elemènt chìmich enserìt endèla tàola periòdica dei elemèncc col sìmbol Sr. El g'ha nömer atòmich 38, che völ dì che 'l nùcleo de 'n àtom de strónsio el g'ha 38 prutù. El sò nòm el l'ha ciapàt del paizì scosés de Strontian endoche se tróa dele miniére endel quàle se càa dei minerài endoche 'l gh'è dét.
En natüra, el strónsio el se prezènta sóta fùrma de quàter izòtopi diferèncc: 84Sr (0,56%), 86Sr (9,86%), 87Sr (7,0%) e 88Sr (82,58%). L'izòtopo 87 el vé del decadimènt radioatìf del 87Rb.
L'è 'n metàl mulzì, de culùr arzentàt che pöl tirà al zalt, El fà part dei metài alcalì terùs e l'è 'n elemènt che reagés facilmènt. Se 'l tróa mìa puro al stat natüral ma cumbinàt con dei óter compòscc.