Tim (orghen)
|
Quest articol chì l'è scrivud in lombard, con la Noeuva Ortografia Lombarda |
El tim a l'è un orghen linfoepitelian sit in del mediastin, cont un toch che 'l riva in del coll. A forma de piramid, quand che vun el nass el pesa circa 12 g, e 'l riva a 30 g quand che l'è pussee desvilupad. De grand, el se atrofiza in part, ma el resta semper in fonzion, anca se men.
El so roeul pussee important a l'è quell de permetégh ai linfocita T de maturà e, soratut, de insegnàgh a tacà no i cellule mideme del corp a travers del compless magior de istocompatibilità: quei che 'l fann a inn portad a l'apoptosi. El capita comunque che di cellule del tim dann foeura di linfocita che inn minga boni de fà el so lavorà.
In la sindrome del DeGeorge el gh'è minga, e donca la resposta imunitaria a l'è propi sbassada. Inveci, el tim midem el po vesser sed de malatie, compagne del timoma e del linfoma mediastenegh. Despess inn sociad a di alter problema imunitari, compagn de la miastenia gravis o de la sindrome poliendocrina autoimun 1.
Sgiamò i antigh grech saveven che 'n del corp a gh'era, ma a l'è di agn 1960 che 'l se sa pussee in su quell che 'l fa. El tim el po vesser cavad via cont una timectomia, roba che la se fa per curà i cancher o per podé rivà al coeur per di alter operazzion. Se l'è fad in d'un fiolin che l'è nassud de poch a l'è ben probabel che 'l moeur de imunodeficenza perchè 'l gh'ha minga i linfocita T per difendés, menter in di grand, che gh'hann un sistema ben desvilupad e i linfocita T anca in alter sit, a l'è pussee probabel che ghe 'l corp el sarà men bon de recognosser i infezzion noeuve.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Tim (orghen)