Trenord
Trenord a l'è ona società de straport ferroviari che la opera in Lombardia. A l'è ona società a responsabilità limitata cont i sò quot spartii a mità in tra el Grupp FNM e la Trenitalia.
Storia
[Modifega | modifica 'l sorgent]Originariament ciamada "Trenitalia LeNord" l'è nassuda el 4 de agost del 2009 de la fusion de la società regional LeNord e de la Division Regionala Lombardia de la Trenitalia. Comé primm pass a hinn faa su on noeuv center de manutenzion e nettada.
Dal 30 ottober 2009 gestissen el straport ferroviari regional lombard, cont di contratt estenduu finna al dì d'incoeu.
L'ha poeu ottegnuu de gestì i servizzi TiLo, Eurocity e de on quaj EuroNight in collaborazion cont ÖBB e Deutsche Bahn.
Lign e servizzi
[Modifega | modifica 'l sorgent]Trenord l'ha ereditaa i fonzion de Trenitalia e LeNord, e donca la gestiss 42 lign regionai, 12 lign suburban, el servizzi aeroportoal Malpensa Express e i straport internazionai in tra la Lombardia e l'Austria e la Germania.
A gh'è donca 2200 cors al dì, che servissen 650000 personn in su 1920 km de lign gestii da RFI e FerrovieNord.
Material rotabil
[Modifega | modifica 'l sorgent]La Trenord la gh'ha 1850 tocch e donca 459 treni in composizion regolar, inscì spartii:
- Locomotiv elettrich
- Locomotiv Diesel
- Elettrotreni
- Autotreni ed Automotris
- Carrozz passegee
- Pianal rebassaa, sia in version semipilota che normal
- Carrozza FS tipo MDVC, sia in version semipilota che normal
- Carrozza a du pian tipo 1979, sia in version semipilota che normal
- Vivalto, sia in version semipilota che normal
El sò deposit a l'è el Deposit de Milan Fiorenza. La flotta la gh'ha on'età media de 19 agn, e 'l 45% a l'è pussee vegg de 35 agn.
Riferiment
[Modifega | modifica 'l sorgent]- La flotta - Elettromotrici Arqiviad qé: [1]
- Lombardia: Slitta Al 31 Marzo La Fusione Fra Trenitalia E Le Nord. Lo Impone Una Normativa Consob Arqiviad qé: [2]
- Trenord - l'azienda