Manova an'i Perea

[[Sary:First century Iudaea province.gif|vignette|362x362px|I Perea sy ny manodidina]]
I '''Perea''' dia fileovana ao atsinanan' i [[Jordana (ony)|Jordàna]] tamin' ny [[Andro Taloha]] nanjakan' ny Rômana tany [[Atsinanana Akaiky]]. Mifanandrifindrify amin' ny Galaada (na Gileada) ao amin' ny [[Testamenta Taloha]] izy. Mivelatra avy any [[Dekapôlisy|Delapôlisy]] mankany Maheronta any atsinan' ny [[Ranomasina Maty]] ny taniny. Mety io ilay faritra resahina ao amin' ny [[Testamenta Vaovao]] izay lazaina fa i "Jodea an-tsisin' i Jordana" araka ny [[Filazantsara araka an' i Matio|Evanjelin' i Matio]]<ref><small>"''Rahefa avy niteny izany Jesoa, dia niala tao Galilea ka tonga teny an-tsisin'i Jodea, andafin'i Jordany''." (Mat. 19.1, ''Ny Baiboly Masina'')</small></ref>. Faritra misy havoana iva ahitana orana ampy hampaniry ny [[voankazo]] sy ny [[varimbazaha]] i Perea.

Ny [[Grisy|Grika]] dia nanorim-ponenana tao amin' io faritra io taorian' ny fandresen' i [[Aleksandra Lehibe]] ny faritra [[Atsinanana Afovoany]]. Taorian’ ny nahazoan’ ny tarana-mpanjaka [[Hasmôneana]] ny fitondrana tany [[Jodea]] dia nampidirin’ i [[Aleksandro Janeo|Aleksaandra Janeo]] ilay faritra. Nandritra ny ady an-trano teo amin’ ireo mpitondra hasmôneana farany, i [[Joany Hirkano II|Hirkano II]] sy i [[Aleksandro II (hasmôneana)|Aleksandro II]], dia nozarain' ny jeneraly romanina Aolo Gabinio (''Aulus Gabinius'') ho distrika maro samihafa i Jodea, ary nanao an’ i Amatôsy (Ἀμαθοῦς / ''Amathoûs'') ho renivohitr' i Perea. Noho ny faneken’ ny emperora [[Aogosto]] dia notendren’ i Herôda I Lehibe ho tetrarkan' i Perea i Ferôra (''Phéroras'') rahalahiny. Tamin’ ny andron’ i [[Jesoa]] dia i [[Herôda Antipasy]] no nitantana io distrika io. Nomen’ ny Jiosy sata mitovy amin’ i [[Jodea]] sy [[Galilea (faritra)|Galilea]] ilay tanàna.

== Lofarano ==