Aja (vahoaka)

Ny Aja dia vondrom-poko any amin' ny tapany atsimo-andrefan' i Benîno sy amin' ny tapany atsimo-atsinanan' i Tôgô. Araka ny lovantsofina am-bava, ny Aja dia nifindra monina nankany amin' ny tapany atsimon' i Benîno tamin' ny taonjato faha-12 na faha-13 avy any Tado eo amin' ny ony Mono, ary tamin' ny manodidina ny taona 1600 dia nisy telo mirahalahy, i Kokpon sy i Do-Aklin ary i Te-Agbanlin, izay nizara ny fanapahana ny faritra nonenan' ny Aja tamin' izy ireo: nalain' i Kokpon ny renivohitra Ardra Lehibe, nanjaka tamin' ny Fanjakan' i Allada; nanangana ny tanànan' i Abomey, izay lasa renivohitry ny Fanjakan' i Dahomey taty aoriana, i Do-Aklin; ary i Te-Agbanlin dia nanangana an' i Ardra Kely, fantatra ihany koa amin' ny anarana hoe Ajatche, izay nantsoin' ny mpivarotra Pôrtogey hoe Porto Novo tatỳ aoriana, sy ny renivohitr' i Benîno ankehitriny.

Miisa 1 280 000 eo ho eo ny Aja amin' izao fotoana izao, ka ny 1 090 000 ao Benîno ary ny 190 000 ao Tôgô. Ny Aja dia miteny amin' ny fiteny aja na ajagbe.