Tabi'in
Tabi'in (bahaso Arab: التابعون, pangikuik), adolah urang Islam nan awal nan maso iduiknyo satalah para Sahabaik Nabi dan indak mangalami maso iduik basamo Nabi Muhammad. Umua para tabi'in tantu sajo labiah mudo dari Sahabaik Nabi, bahkan ado nan masih anak-anak atau remaja pado maso Sahabaik masih iduik. Tabi'in marupoan murid dari Sahabaik Nabi.
Bateh maso tabi'in
[suntiang | suntiang sumber]Maso Tabi'in dimuloi sajak wafaiknyo Sahabaik Nabi tarakia, Abu Thufail al-Laitsi, pado taun 100 H (735 M) di kota Makkah; dan baakia jo wafaiknyo Tabi'in nan taakia, Khalaf bin Khulaifat, pado taun 181 H (812 M).
Satalah maso Tabi'in baakia, mako ditaruihkan jo maso Tabi'ut tabi'in atau generasi katigo umaik Islam satalah Nabi Muhammad wafaik.[1]
Tingkek tabi'in
[suntiang | suntiang sumber]Imam Ibnu Hajar al-Asqalani dalam karyanyo Taqrib at-Tahdzib mambagi para Tabi'in manjadi ampek tingkek, badasa pado umua jo sumber pariwayatannyo, yaitu:[2]
- Para Tabi'in kalompok utama/senior (kibar at-tabi'in), nan alah wafaik sakita taun 95 H/713 M. Iko saangkatan jo Said bin al-Musayyab (laia 13 H - wafaik 94 H),
- Para Tabi'in kalompok patangahan (al-wustha min at-tabi'in), nan alah wafaik sakita taun 110 H/728 M. Iko saangkatan jo Al-Hasan al-Bashri (laia 21 H - wafaik 110 H) jo Muhammad bin Sirin (laia 33 H - wafaik 110 H),
- Para Tabi'in kalompok mudo (shighar at-tabi'in) nan kabanyakan mariwayatkan hadits dari para Tabi'in senior, nan alah wafaik sakita taun 125 H/742 M. Iko saangkatan jo Qatadah bin Da'amah (laia 61 H - wafaik 118 H) jo Ibnu Syihab az-Zuhri (laia 58 H - wafaik 124 H),
- Para Tabi'in kalompok nan paliang mudo, nan mungkin sajo lai batamu juo jo para Sahabaik Nabi jo para Tabi'in senior, walau indak mariwayatkan hadits dari Sahabaik Nabi, nan alah wafaik sakita taun 150 H/767 M. Iko saangkatan jo Sulaiman bin Mihran al-A'masy (laia 61 H - wafaik 148 H).
Sabagian gadang ulama panulih biografi para pariwayat hadits (asma ar-rijal) mambagi juo para Tabi'in manjadi tigo tingkek badasa sia Sahabaik Nabi nan manjadi gurunyo, yaitu:[3]
- Para Tabi'in nan manjadi murid para Sahabaik nan masuak Islam sabalun paristiwa Fathu Makkah,
- Para Tabi'in nan manjadi murid para Sahabaik nan masuak Islam satalah paristiwa Fathu Makkah,
- Para Tabi'in nan manjadi murid para Sahabat nan alun dewasa kutiko Nabi Muhammad wafaik.
Tokoh Tabi'in
[suntiang | suntiang sumber]Di bawah iko adolah daftar babarapo tokoh Tabi'in nan tanamo:
- Abu Hanifah
- Al-Hasan al-Bashri
- Ali bin al-Husain Zainal Abidin
- 'Alqamah bin Qais an-Nakha'i
- Al-Qasim bin Muhammad bin Abi Bakar ash-Shiddiq
- Ibnu Abi Mulaikah
- Muhammad bin al-Hanafiyah
- Muhammad bin Sirin
- Muhammad bin Syihab az-Zuhri
- Salim bin Abdullah bin Umar bin Khattab
- Said bin al-Musayyib
- Rabi'ah ar-Ra'yi
- Ubaidillah bin Abdullah bin Utbah bin Mas'ud
- Umar bin Abdul Aziz
- Urwah bin az-Zubair
- Uwais al-Qarni
Rujuakan
[suntiang | suntiang sumber]- ↑ Nashruddin Baidan (2003). Perkembangan Tafsir al-Qur'an di Indonesia. Tiga Serangkai. p. 10. ISBN 979-668-213-3, 9789796682133. https://books.google.co.id/books?id=0BTdX6Uz3gQC&pg=PA10&dq=tabi%27in&hl=en&sa=X&ved=0CCIQuwUwAWoVChMIttiWytfpxwIVyW2OCh19gwKE#v=onepage&q=tabi'in&f=false.
- ↑ Sayeed, Asma (2013). Women and the Transmission of Religious Knowledge in Islam. Cambridge University Press. p. 82. ISBN 1-107-35537-0, 9781107355378. https://books.google.co.id/books?id=AY8gAwAAQBAJ&pg=PA82&dq=kibar+tabi%27in&hl=id&sa=X&ved=0ahUKEwjT0rztx9bLAhUIco4KHUEPDhwQuwUIJzAB#v=onepage&q=kibar%20tabi'in&f=false.
- ↑ Siddiqi, Muhammad (1993). Hadith Literature. Oxford: The Islamic Texts Society. pp. 29. ISBN 946621381. https://asimiqbal2nd.files.wordpress.com/2009/06/hadithliterature1of2.pdf.