Agronomi
Agronomi adolah suatu ilimu teknologi nan tujuannyo mamproduksi jo mamanfaatkan tumbuahan untuak bahan pangan, bahan bakar, serat dan aplikasi lingkungan mantuak reklamasi. Salain tu, agronomi ko juo ilimu nan mampalajari budidayo tanaman jo produksi nan rancak dan katahanan nan bakalanjuikan. Ado juo urang mangatokan kalau agronomi ko salah satu ilimu tarapan nan babasis biologi tumbuahan nan mampalajari pangaruah dan mamanipulasi babagai komponen biotik (hiduik) dan abiotik (indak hiduik) pado saindividu atau sakumpuaan individu tanaman untuak digunoan untuak urusan manusia.[1]
Agronomi mancakuik kagiatan di bidang genetika tumbuahan, fisiologi tanaman, meteorologi, dan ilimu tanah dan aplikasi kombinasi ilimu biologi, genetika, kimia, ekonomi, ekologi, topografi, dan kabijakan ekonomi-politik. Pakar agronomi kini ko talibaik dalam babagai isu takaik produksi bahan pangan sacaro kuantitas maupun kualitas, mangalola dampak lingkungan aktivitas patanian dan panciptaan sumber energi dari tanaman.[2] Inyo pado umumnyo ahli dalam panarapan rotasi tanaman, pangairan, pamuliaan tanaman, klasifikasi tanah, kasuburun tanah, pangandalian gulma dan amo. Agronomi indak samo jo ilimu pertanian.[3]
Pamuliaan Tanaman
[suntiang | suntiang sumber]
Pamuliaan tanaman malibaikkan pemuliaan selektif dari tanaman untuak mamproduksi tanaman nan boneh pado babagai kondisi. Pamuliaan tanaman alah maningkekkan asia dan nilai nutrisi dari babagai jinih tanaman baru nan marupokan asia pasilangan nan disabuik jo tanaman hibrida. Contohnyo adolah tricale nan marupokan pasilangan dari rye jo gandum. Tricale ko manganduang protein nan bamanfaaik labiah banyak dibandiangkan jo rye maupun gandum. Buah-buahan dan sayuran juo manjadi subjek dari pamuliaan tanaman.[4]
Bioteknologi
[suntiang | suntiang sumber]Pakar agronomi manggunokan bioteknologi untuak mampalaweh dan mampadalam pangambangan tumbuahan hinggo mahasiakan karakteristik nan dituju.[5] Bioteknologi acok kali marupakan aktivitas lab nan paralu uji di lapangan pado tanaman baru nan sadang dikambangkan. Bioteknologi juo digunokan pado tanaman patanian non-pangan contohnyo babarapo jinih tanaman pangasia minyak nabati dikambangkan untuak mangasiakan minyak nan sasuai untuak produksi detergen jo biodiesel.[6]
Ekologi patanian
[suntiang | suntiang sumber]Ekologi patanian adolah manajemen sistem patanian nan manakankan pado perspektif ekologi jo lingkungan. Bidang ko takaik arek jo usaho pado bidang patanian bakalanjutan, patanian organik, sistem pangan, jo pangambangan sistem tanam alternatif.[7]
Liek pulo
[suntiang | suntiang sumber]Rujuakan
[suntiang | suntiang sumber]- ↑ Perhimpunan Agronomi Indonesia
- ↑ "I'm An Agronomist!". Imanagronomist.net. Diarsipkan dari versi asli tanggal 2017-11-16. Diakses tanggal 2013-05-02.
- ↑ "Dasar-Dasar Agronomi" (PDF). Diarsipkan dari versi asli (PDF) tanggal 2023-06-18. Diakses tanggal 2021-04-12.
- ↑ Pemuliaan Tanaman secara In Vitro
- ↑ "Georgetown International Environmental Law Review". Findarticles.com. Diarsipkan dari versi asli tanggal 2009-02-07. Diakses tanggal 2013-05-02.
- ↑ PEMANFAATAN TEKNOLOGI GENOMIKA DAN TRANSFORMASI GENETIK UNTUK MENINGKATKAN PRODUKTIVITAS KELAPA SAWIT
- ↑ "Iowa State University: Undergraduate Program - Agroecology". Diarsipkan dari versi asli tanggal 2008-10-07. Diakses tanggal 2014-03-07.
Bahan baco tapauik
[suntiang | suntiang sumber]- Wendy B. Murphy, The Future World of Agriculture, Watts, 1984.
- Antonio Saltini, Storia delle scienze agrarie, 4 vols, Bologna 1984-89, ISBN 88-206-2412-5, ISBN 88-206-2413-3, ISBN 88-206-2414-1, ISBN 88-206-2415-X
Pautan lua
[suntiang | suntiang sumber] |
Caliak katarangan manganai agronomist di Wikikato. |
 |
Wikimedia Commons mampunyoi media nan bahubuangan jo Agronomy |
- The American Society of Agronomy (ASA)
- Crop Science Society of America (CSSA)
- Soil Science Society of America (SSSA)
- European Society for Agronomy Archived 2011-04-14 di Wayback Machine.
- The National Agricultural Library (NAL) Archived 2010-06-12 di Wayback Machine. – Comprehensive agricultural library.
- Information System for Agriculture and Food Research
- Agronomy Q.& A. project on stackexchange.
- Jurnal Agronomi Institut Pertanian Bogor
- Buletin Agronomi Archived 2021-07-25 di Wayback Machine. Institut Pertanian Bogor