Location via proxy:   [ UP ]  
[Report a bug]   [Manage cookies]                
Lompat ke isi

Lexus UX

Wikipedia Minangkabau - Lubuak aka tapian ilimu
Lexus UX (ZA10)
2020 Lexus UX 250h F Sport (MZAH10)
Panjalehan
PabrikanLexus (Toyota)
Tahun dibuekDecember 2018 – present[1]
Kaluaran terbaru2019–present
Kantua cabangJapan: Miyawaka, Fukuoka (Miyata plant)[1]
ParancangChika Kako (2013)[2]
Badan jo karangko
Tipe otoSubcompact luxury crossover SUV
Bantuak oto5-door SUV
Masin oto
Parusahaan induakTNGA: GA-C[3]
Samo joToyota C-HR
Tanago oto
Masin
Masin pakai listrik/batrai150 kW (201 hp; 204 PS) 4KM synchronous (300e)[4][5]
Tanago nan dihasiakan
  • 125 kW (168 hp; 170 PS) (200)
  • 131 kW (176 hp; 178 PS) (250h)
Tipe papindahan gigi
  • CVT (200)
  • eCVT (250h)
Kapasitas batrai54.3 kW·h lithium-ion (300e)[4]
Lamo tahan batrai
Daya mancas batrai6.6 kW AC, 50 kW DC (300e)[5]
Ukuran bagian oto
Sumbu roda2,640 mm (103.9 in)
Panjang oto4,495 mm (177.0 in)
Leba oto1,840 mm (72.4 in)
Tinggi oto1,540 mm (60.6 in)
Barek oto
  • 1,470–1,500 kg (3,241–3,307 lb) (200)
  • 1,550–1,640 kg (3,417–3,616 lb) (250h)
  • 1,900 kg (4,189 lb) (300e)[5]

Lexus UX adolah salah ciek jinih oto mewah nan di buek dek parusahaan Toyota di Japang. Oto Lexus UX ko tagolong tipe oto nan dinamoan SUV (Sport Utility Vehicle) atau dalam bahasa Indonesia nyo dinamoan jo Kandaraan bisa disagalo jalan. Oto ko bisa mambawok ampek sampai limo panumpang. Oto ko marupoan oto nan bapanggarak ampek roda atau disabuik juo jo 4 x 4 nan baguno untuak jalan di medan nan agak barek. Oto ko partamo kali di pakanaan ka masyarakaik pado tahun 2018 basamoan jo acara festival geneva motor show. Oto Lexus Ux ko alah dilengkapi jo sistem kaamanan nan alah dirancang saaman mungkin untuak sopir nan akan mambawok oto iko.[8][9]

Produksi

[suntiang | suntiang sumber]

Oto Lexus UX ko partamo kali di buek pado tahun 2018 sarato jo di umuman ka masyarakaik pado acara festival Geneva Motor Show di negara Swiss. Sasudah dari negara Swiss oto kamudian oto iko di pameran pulo di acara festival Mondial Paris Motor Show 2018 di negara Perancis. Oto ko tamasuak oto kaluaran tabaru pado saaik kini ko. Oto Lexus UX nan diproduksi partamo ko alah mampunyoi sistem hibrida, aratinyo oto ko alah manggunoan sistem panggabuangan tanago nan mamakai bahan bakar bensin jo tanago nan mamakai batrai. Tujuan dari sistem hibrida ko iolah supayo oto ko hemat dalam pamakaian bahan bakar nyo atau bensinyo. Salain irit bensi, tanago oto jadi labiah kuek dek nyo.[10] Satahun sasudah tu, tahun 2019, oto Lexus UX ko di buek jo konsep oto ramah lingkuangan yaitunyo oto listrik, oto nan dijalankan dek tanago batrai indak pakai bensin. Walaupun oto nan batanago listrik, oto listrik Lexux UX ko punyo tanago nan kuek pulo, kakuatan masin oto ko samo jo kakuatan 204 kudo. Batrai dari oto ko punyo kapasitas 54,3 kW / jam sarato dapek manumpuah jarak labiah kurang 400 KM jikalau batrai panuah.[11][12]

Bantuak oto

[suntiang | suntiang sumber]

Oto Lexus UX ko dibuek untuak dapek di gunoan disagalo medan, baiak itu di jalan nan rancak maupun di jalan nan buruak, sabab oto ko tagolong masuak ka kategori oto SUV. Sacaro pisik nan nampak badan oto ko agak tinggi dari tanah saketek dibandiang jo oto nan lainnyo. Oto ko punyo limo pintu, duo di masiang-masing sampiang suok jo kida nan ciek lai di balakang nan di gunoan untuak mamudahan panyimpanan barang atau mamasuakan barang-barang ka dalam oto. Oto Lexus UX ko tasadio dalam tigo tipe. Tipe partamo yaitunyo Lexus UX 200. Lexus UX ko punyo panjang kasaluaruahanyo 4.495 mm, leba 1.840 mm, jo tinggi 1.520 mm jo ditambah jarak sumbu roda sakitar 2.640 mm. Tipe kaduo yaitunyo Lexus UX 250h. Kamudian, tipe katigo yaitunyo Lexus UX 300e. Untuak tipe ka duo jo katigo ko ukurannyo agak labiah panjang dari tipe nan partamo yaitunyo panjang 4.900 mm, jo leba 1.820 mm, tinggi 1.450 mm, jo panjang sumbu roda sakitar 2.820 mm.[13][14]

Pasaran oto

[suntiang | suntiang sumber]

Oto Lexus UX ko alah di pasarkan ka sakitaran 80 negara didunia. Untuak di negara Amerika bagian utara, oto Lexus UX ko mulai diproduksi di patangahan dan di akhia tahun 2018 oto ko alah mulai di jua ka pasaran. Kamudian balanjuik tak tahun-tahun barikuiknyo nan dilanjuiknya kaluanyo model-model tabaru dari oto ko. Di negara Amerika Serikat oto ko di jua partamo kali di bulan Desember 2018. Di kawasan Asia, oto Lexus UX ko partamo kali di pamerkan di pameran di Gaikindo Indonesia International Auto Show. Kamudian salanjuknyo, untuak kawasan asia tenggara oto Lexus UX ko di pamerkan di Kuala Lumpur International Motor Show 2018. Pado tahun 2019 Lexus UX ko baru di luncuan di Singapura. Samintaro itu, untuak panjualan oto Lexus Ux ko di negara-negara di Eropa alah dimulai samanjak bulan Oktover 2018. Untuak di Australia, oto Lexus UX ko dijua pado bulan-bulan partamo di tahun 2019. Sadangkan di negara India, oto Lexus UX ko mulai di jua atau di pasarka ado bulan Agustus 2019.[15][16][17]

Rujuakan

[suntiang | suntiang sumber]
  1. ↑ a b "Toyota starts production of all-new Lexus UX small SUV in Japan". US: MarkLines. 2018-12-06. Diakses tanggal 13 Pebruari 2020. 
  2. ↑ Lexus (2018-11-12). Creating the New Lexus UX: Chief Engineer Chika Kako on the Influences Behind Lexus's Urban Crossover. Siaran pers. Archived 2019-12-25 di Wayback Machine. "archive copy". Diarsipkan dari versi asli tanggal 2019-12-25. Diakses tanggal 2020-02-13. 
  3. ↑ Toyota (2018-03-06). World Debut of the Lexus UX, a New Genre of Crossover. Siaran pers.
  4. ↑ a b Toyota. LEXUS ‐ 広州モーターショー2019｜MOTOR SHOW. Siaran pers.
  5. ↑ a b c Torr, Feann (2019-11-22). "Lexus UX 300e 2020 Review". Australia: carsales. Diakses tanggal 13 Pebruari 2020. 
  6. ↑ Toyota (2019-11-22). World premiere of Lexus' first EV, the UX 300e. Siaran pers.
  7. ↑ Attwood, James (2020-02-13). "Lexus UX 300e: more details revealed for first Lexus EV". Autocar. UK. Diakses tanggal 13 Pebruari 2020. 
  8. ↑ "GENEVA MOTOR SHOW: Lexus UX compact SUV revealed". Diakses tanggal 13 Pebruari 2020. 
  9. ↑ CORPORATION, TOYOTA MOTOR. "World Debut of the Lexus UX, a New Genre of Crossover | Lexus | Global Newsroom". Toyota Motor Corporation Official Global Website (dalam bahasa Inggris). Diakses tanggal 2020-02-13. 
  10. ↑ Maroselli, Yves (2018-02-27). "Lexus UX : un SUV compact, hybride et « premium »". Le Point (dalam bahasa Prancis). Diakses tanggal 2020-02-13. 
  11. ↑ Caradisiac.com. "Salon de Genève 2018 - Lexus confirme la présence du SUV compact UX". Caradisiac.com (dalam bahasa Prancis). Diakses tanggal 2020-02-13. 
  12. ↑ Caradisiac.com. "Lexus UX 300e : petite autonomie pour la première électrique de Lexus". Caradisiac.com (dalam bahasa Prancis). Diakses tanggal 2020-02-13. 
  13. ↑ CORPORATION, TOYOTA MOTOR. "World Debut of the Lexus UX, a New Genre of Crossover | Lexus | Global Newsroom". Toyota Motor Corporation Official Global Website (dalam bahasa Inggris). Diakses tanggal 2020-02-14. 
  14. ↑ "Model Termurah Lexus, Crossover UX". kumparan (dalam bahasa Indonesia). Diakses tanggal 2020-02-14. 
  15. ↑ McCowen, David (2018-03-06). "New Lexus UX confirmed for 2019 arrival - New Lexus UX confirmed for 2019 arrival". Drive (dalam bahasa Inggris). Diarsipkan dari versi asli tanggal 2020-10-22. Diakses tanggal 2020-02-14. 
  16. ↑ "Lexus expects Europe to be top market for UX". Automotive News Europe (dalam bahasa Inggris). 2018-03-12. Diakses tanggal 2020-02-14. 
  17. ↑ "Lexus UX Price in India, Launch Date, Images & Specs, Colours". CarDekho (dalam bahasa Inggris). Diakses tanggal 2020-02-14. 
Diambiak dari "https://min.wikipedia.org/w/index.php?title=Lexus_UX&oldid=3150096"