Serie A
(Dialiahkan dari Liga Seri A)
Seri A (Bahaso Italia: Serie A) adolah divisi nan paliang ateh di dalam sistem liga sepak bola Italia. Liga ko alah tabantuak sajak 1898, tapi baru pado taun 1929 manjadi liga jo format bantuak kini ko. Seri A tadiri dari duo puluah tim sajak musim 2004-05, sabalumnya 18 tim sajo. Tigo tim tabawah tadegradasi Seri B, dan digantian dek tigo tim tarateh dari divisi tasabuik.
Juaro batahan liga ko untuak musim 2011-12 adolah Juventus F.C.. Klub nan paliang banyak marabuik trofi juaro (disabuik juo scudetto) adolah Juventus F.C., jo 28 gala juaro liga.