Location via proxy:   [ UP ]  
[Report a bug]   [Manage cookies]                
Lompat ke isi

Songket

Wikipedia Minangkabau - Lubuak aka tapian ilimu
Songket[1][2][3][4][5][6][7][8]

Songket khas Minangkabau, nan sapartigo bawahnyo bahiaih jo ragam hiaih pucuak rabuang.

Media: Songket

Songket adolah jinih kain tanunan tradisional nan barasa dari Sumatera, Indonesia[9][10][11] jo Malaysia.[12] Songket marupoan sajinih kain nan biasonyo ditanun jo alaik tradisional nan bacorak rumik sarato basulam jo banang ameh jo perak. Banang logam metalik nan tatanun balatar kain mambuek efek kemilau katiko dicaliak. Songket tamasuak dalam kalompok tanunan brokat. Kain songket ko marupokan kain tanunan khas Indonesia, Malaysia, jo Brunei khususnyo dalam tradisi budayo Melayu jo Minangkabau.

Dalam sijarahnyo, kain songket anyo dipakai dek kaum bangsawan atau kaluarga rajo. Aluihnyo tanunan jo karumitan motif jo corak songket katiko tu manggambakan pangkek jo jabatan tinggi di masyarakaik. Kini, kain ko biaso dipakai dalam acara-acara rasmi sarupo acara adaik. Inyo lah tanamo di Nusantara sajak abaik ka-13.

Songket di Minangkabau nan tanamo ado di Pandai Sikek, Silungkang, Pitalah, Sungayang, Koto Gadang, Koto Nan Ampek, dan Kubang.[13] Kain Songket di Minangkabau pado umumnyo digunoan untuak acara adaik, takah parkawinan, batagak gala, jo panyambutan tamu-tamu penting.[14]

Di Indonesia, ado limo jinih songket nan diakui sabagai Wrisan Budaya Tak Benda dek Kementerian Pendidikan dan Kebudayaan Republik Indonesia. Songket Palembang[15] jo Sambas[16] diakui pado 2013, kudian Songket Pandai Sikek dari Sumatera Barat diakui pado taun 2013,[17] Songket Beratan, Bali, diakui pado 2018,[18] dan tarakhia Songket Silungkang dari Sumatera Barat pado taun 2019.[19] Pado taun 2021, UNESCO sacaro resmi maakui Songketsabagai Mahakarya Warisan Budaya Lisan dan Takbenda Manusia dari Malaysia.[20]

Istilah

[suntiang | suntiang sumber]

Kato songket barasa dari istilah dalam bahaso Palembang: "songsong" + "teket", nan bararti "mancukia" jo "manyalekan".[21] Hal iko bakaitan jo metode pambuatannyo; mangaikkan jo maambiak sajumpuik kain tanun, nan kudian manyalekan banang ameh.[22]

Istilah iko barubah dalam bahaso Melayu jo bahaso Indonesia jadi "sungkit" jo "sangkut", nan bararti "mangaik".[23][24]

Salain itu, manuruik sabagian urang, kato songket mungkin pulo barasa dari kato songka, songkok khas Palembang nan dipacayo partamo kalinyo kabiasoan mananun jo banang ameh bamulo.[25] Istilah manyongket bararti ‘mananun jo banang ameh jo perak’.

Songket adolah kain tanun mewah nan biasonyo bapakai wakatu baralek, acara adaik, atau acara rasmi lainnyo. Songket buliah dipakai malilik badan sarupo saruang, disampirkan di bahu, atau sabagai deta atau tanjak, hiasan ikek kapalo. Tanjak adolah samacam topi hiasan kapalo nan tabuek dari kain songket nan lazim bapakai dek sutan jo pangeran sarato datuak Kasutanan Melayu.[26] Manuruik tradisi, kain songket anyo buliah ditanun dek anak daro atau gadih; akan tetapi kini kaum laki-laki pun turuik mananun songket.[25] Babarapo kain songket tradisional Sumatera mampunyoi pola nan manganduang makna tatantu.

Songket musti malalui salapan tahapan sabalun manjadi sapotong kain dan masih ditanun sacaro tradisional. Karano pananun biasonyo barasa dari kampuang, motif-motif nan dipolakan biasonyo juo dari binatang atau tumbuahan sakitar. Motif kadang dinamoan manuruik namo kue-kue khas Palembang-Minang sarupo sarikayo, wajik, jo talam.

Sijarah

[suntiang | suntiang sumber]
Padusi Minang nan sadang manenun songket sakitar tahun 1900

Pananunan songket sacaro sijarah dikaikan jo kawasan parmukiman dan budaya Palembang.[25] Manuruik hikayaik rakyat Palembang, asa mulo kain songket adolah dari zaman Sriwijaya. Urang Cino manyadioan banang sutera sadangkan urang India manyumbang banang ameh dan perak; mako jadilah songket.[27] Kain songket ditanun pado alaik tenun bingkai Malayu. Pola-pola rumik diciptoan dengan mamperkenalkan banang-banang ameh atau perak tambahan dengan panggunoan sahalai jarum leper. Indak diketahui sacaro pasti dari ma songket barasa, manuruik tradisi Kelantan teknik tanun takah iko barasa dari utara, yakni kawasan Kamboja jo Siam nan kudian bakambang ka selatan di Pattani,[28] dan akhianya mancapai Kelantan jo Terengganu sakitar tahun 1500-an.[29] Industri ketek rumahan tanun songket kini masih batahan di pinggiran Kota Bahru jo Terengganu.[30] Namun baitu, manuruik pananun Terengganu,[rujuakan?] justru para padagang India-lah nan mamperkenalkan teknik menanun ik patamo bana di Palembang nan mungkin alah balaku sajak zaman Sriwijaya (abaik ka-7 sampai ka-11).[25]

Songket Palembang dipakai dek pangantin padusi babusana parnikahan adat Aesan Gede

Manuruik tradisi Indonesia surang, kain songket nan kaamehan dikaikan jo kagamilangan Sriwijaya,[31][32] kemaharajaan niaga maritim nan makmur lagi kaya yang bersemi pada abad ke-7 hingga ke-13 di Sumatra. Hal iko dek kanyataan bahasonyo pusek karajinan songket paliang tanamo di Indonesia adolah Kota Palembang. Songket adolah kain mewah nan usalinyo mamaraluan sajumlah ameh usali untuak dijadian banang ameh, kudian ditanun tangan manjadi kain nan rancak. Sacaro sijarah tambang ameh di Sumatra talatak di Sumatra Selatan dan di padalaman dataran tinggi Minangkabau. Meskipun banang ameh basobok di raruntuhan situs Sriwijaya di Sumatra, basamo jo batu mirah delima nan alun diasah, sarato potongan lempeng ameh, hinggo kini alun ado bukti pasti bahasonyo pananun lokal alah manggunoan banang ameh sadari awal tahun 600-an hinggo 700-an Masehi.[25] Songket mungkin dikambangan pado kurun wakatu nan kudian di Sumatra. Songket Palembang marupoan songket paling rancak di Indonesia baiak diukua dari segi kualitasnyo, nan bagala "Ratu Segala Kain". Songket eksklusif mamaraluan di antaro ciek hinggo tigo bulan untuak manyalasaiannyo, sadangkan songket biaso hanyo mamaraluan wakatu sakitar 3 hari. Mulonyo kaum laki-laki manggunoan songket sabagai deta, tanjak, atau ikek kapalo. Kudian barulah kaum padusi Malayu mulai mamakai songket saruang jo baju kuruang.

Dokumentasi mangenai asa mulo songket masih indak jaleh, kamungkinan tenun songket mancapai samananjung Malaya malalui parkawinan atau parsekutuan antarbangsawan Malayu, dek songket nan baharago acok bana dijadian maskawin atau hantaran dalam suatu parkawinan. Praktik takah iko lazim dilakuan dek negeri-negeri Malayu untuak maikek parsakutuan strategis. Pusek karajinan songket taletak di karajaan nan sacaro politik penting dek bahan pambuatannyo nan maha; banang ameh sajatinyo memang tabuek dari lambaran ameh murni usali.[33]

Songket sabagai busana dirajo juo disabuikan dalam naskah Abdullah bin Abdul Kadir pado tahun 1849.[34]

Corak

[suntiang | suntiang sumber]

Songket mamiliki macam-macam corak khususnyo nan dikambangkan dek Dekrasnasda Indragiri Hilir adolah siku keluang, nan divariasian jo itiak pulang patang pado bagian kapalo kain, salain itu ado pulo tampang manggis jo kiambang.[35]

Teknik mananun songket

[suntiang | suntiang sumber]

Songket marupokan istilah bagi teknik pangarajoan karajinan tanun. Teknik nan dimukasuik iyolah panggunoan teknik pakan tambahan, di ma manggunoan banang pakan pangias (biasonyo banang ameh jo perak atau suto barwarna-warni) sabagai pambantuak motifnyo. Banang pakan tambahan tasabuik (supplementary weft) disalekan antaro banang pakan jo banang lungsi sacaro mancukia atau maungkik banang ciek-ciek barih motif inggo tacapai motif kain nan sasuai.[36]

Dalam proses panambahan banang motif tadi, ado babarapo teknik nan biaso digunoan dalam manyongket, di antaronyo:[36]

  • Teknik balapak
  • Teknik batabua
  • Teknik batabua kaik
  • Teknik kombinasi jo iket
  • Teknik saliang silang (interwoven)
  • Teknik tapestri

Teknik balapak

[suntiang | suntiang sumber]
Tanjak Yang dipertuan Agong Malaysia nan mamakai kain balapak.

Teknik balapak marupokan jinih teknik nan mangasiakan kain jo pamukoan nan panuah ditanun banang ameh. Kainnyo disabuik kain balapak. Tekniknyo mamasuakan banang motif taruih manaruih sajak bagian pambukak (opening) banang lungsi dari ujuang sabalah suok inggo ujuang ciek lai atau sabaliaknyo dalam ciek kali proses. Dek teknik ko, bagian dasa nan biasonyo dari kain suto ampia tak tampak lai.

Teknik batabua atau bacatua

[suntiang | suntiang sumber]

Caliak pulo

[suntiang | suntiang sumber]

Rujuakan

[suntiang | suntiang sumber]
  1. ↑ Purwanti, Retno; Siregar, Sondang Martini (2016). "Sejarah Songket Berdasarkan Data Arkeologi". Revista de Arqueología Siddhayatra (dalam bahasa Indonesia). 21 (2). doi:10.24832/siddhayatra.v21i2.22. 
  2. ↑ Iskandar, Teuku (1958) (dalam bahaso nl). De Hikajat Atjéh. Den Haag, Belanda: Martinus Nijhoff. 
  3. ↑ Rodgers, Susan; Summerfield, Anne; Summerfield, John (2007) (dalam bahaso en). Gold Cloths of Sumatra: Indonesia's Songkets from Ceremony to Commodity. Worcester, Massachusetts: Iris and B. Gerald Cantor Art Gallery, College of the Holy Cross. ISBN 978-9067183123. https://books.google.com/books?id=pgu6c4qZMkYC&q=srivijaya&pg=PA47. Diakses pado 15 de enero de 2012. [pranala nonaktif permanen]
  4. ↑ Sturler, W.L. de (1843) (dalam bahaso nl). Proeve eener beschrijving van het gebiied van Palembang. Groningen, Belanda: J.Oomrens. 
  5. ↑ Hoëvell, W.R. van (1843) (dalam bahaso nl). Sjair Bidasari, een oorspronkelijk Maleische gedicht. Verhande-lingen van het Bataviaasch Genootschap. 19. pp. 1-421. 
  6. ↑ Blume, C.L.; Deel, Eerste; Plates, With (1848) (dalam bahaso nl). De Indische Bij, Tijdschrift Ter Bevordering van de Kennis der Nederlandsche Volkplantingen en Derzelver Belangen. Leiden, Belanda. 
  7. ↑ Praetorius, C.F.G. (1843) (dalam bahaso nl). Eenige Bijzonderheden Omtrent Palembang. Leiden, Belanda. 
  8. ↑ Sevenhoven, J.I. van (1823) (dalam bahaso nl). Beschrijving van de Hoofdplaats van Palembang. 9. Tratados de la Sociedad de Batavia. pp. 41-126. 
  9. ↑ Rodgers, Susan; Summerfield, Anne; Summerfield, John (2007). Gold Cloths of Sumatra: Indonesia's Songkets from Ceremony to Commodity. Worcester, Massachusetts: Cantor Art Callery. ISBN 978-9067183123. https://books.google.com/books?id=pgu6c4qZMkYC&q=srivijaya&pg=PA47. Diakses pado 15 Januari 2012. [pranala nonaktif permanen]
  10. ↑ Ministry of Education and Culture of Indonesia. "Songket History based on Archaelogical Data" (dalam bahasa Indonesia). Ministry of Education and Culture of Indonesia. Diarsipkan dari versi asli tanggal 22 May 2021. Diakses tanggal 26 January 2021. 
  11. ↑ Pebriyeni, Eliya (2019). "Perkembangan Fungsi Seni Kerajinan Tenun Songket Silungkang". Gorga Jurnal Seni Rupa. 8 (1): 214–221. doi:10.24114/gr.v8i1.13585. 
  12. ↑ "UNESCO - Songket". ich.unesco.org (dalam bahasa Inggris). Diakses tanggal 2021-12-16. 
  13. ↑ https://travel.tempo.co/read/372216/belanja-tenunan-songket-di-pandai-sikek/full&view=ok[pranala nonaktif permanen]
  14. ↑ Media, Kompas Cyber (2020-12-21). "Jenis-Jenis Kain Tenun Halaman all". KOMPAS.com (dalam bahasa Indonesia). Diakses tanggal 2021-06-12. 
  15. ↑ "Songket Palembang". Cultural Heritage, Ministry of Education and Culture of Indonesia. Diarsipkan dari versi asli tanggal 28 May 2023. Diakses tanggal 14 December 2020. 
  16. ↑ "Songket Sambas". Cultural Heritage, Ministry of Education and Culture of Indonesia. Diarsipkan dari versi asli tanggal 2021-08-21. Diakses tanggal 2020-12-14. 
  17. ↑ "Songket Pandai Sikek". Cultural Heritage, Ministry of Education and Culture of Indonesia. Diarsipkan dari versi asli tanggal 21 August 2021. Diakses tanggal 14 December 2020. 
  18. ↑ "Songket Beratan". Cultural Heritage, Ministry of Education and Culture of Indonesia. Diarsipkan dari versi asli tanggal 21 August 2021. Diakses tanggal 14 December 2020. 
  19. ↑ "Songket Silungkang". Cultural Heritage, Ministry of Education and Culture of Indonesia. Diarsipkan dari versi asli tanggal 21 August 2021. Diakses tanggal 14 December 2020. 
  20. ↑ "UNESCO adds songket to 'Intangible Cultural Heritage List'". New Straits Times. 2021-12-16. Diakses tanggal 2021-12-17. 
  21. ↑ "Motif Bungo Pacik Pada Tenunan Songket Palembang" (PDF). Sitakara Jurnal Pendidikan Seni dan Budaya. 2018. Diakses tanggal 25 April 2021. 
  22. ↑ National Geographic Traveller Indonesia, Vol 1, No 6, 2009, Jakarta, Indonesia, page 63
  23. ↑ "Sungkit". kbbi.kemdikbud.go.id. Badan Pengembangan dan Pembinaan Bahasa, Kementerian Pendidikan dan Kebudayaan. Diakses tanggal 25 April 2021. 
  24. ↑ "Sangkut". kbbi.kemdikbud.go.id. Badan Pengembangan dan Pembinaan Bahasa, Kementerian Pendidikan dan Kebudayaan. Diakses tanggal 25 April 2021. 
  25. ↑ a b c d e Gold Cloths of Sumatra: Indonesia’s Songkets from Ceremony to Commodity[pranala nonaktif permanen], Cantor Art Gallery, Worcester, Massachusetts, 2007, by Susan Rodgers, Anne Summerfield, John Summerfield
  26. ↑ ""The Art of Songket"". Diarsipkan dari versi asli tanggal 2008-01-26. Diakses tanggal 2019-01-06. 
  27. ↑ Indonesia, Malaysia & Singapore handbook. Cit "The songket evolved when the Malay sultanates first began trading with China (where the silk came from) and India (where the gold and silver thread derived). "
  28. ↑ Gold cloths of Sumatra: Indonesia's songkets from ceremony to commodity By Susan Rodgers, Anne Summerfield, John Summerfield, Cantor Art Gallery
  29. ↑ Songket: Malaysia's woven treasure Grace Inpam Selvanayagam Oxford University Press, Mar 1, 1990
  30. ↑ The Grove encyclopedia of Islamic art and architecture, Volume 2 By Jonathan M. Bloom, Sheila Blair
  31. ↑ ""The Ancient Sriwijaya Heritage" Tampilkan Kemilau Songket dan Adat Perkawinan Sumsel". Diarsipkan dari versi asli tanggal 2011-08-12. Diakses tanggal 2021-05-22. 
  32. ↑ Sriwijaya Post. "Motif Abstrak Songket palembang" (dalam bahasa Indonesian). Sriwijaya Post. Diakses tanggal 2012-01-16. 
  33. ↑ Uchino, Megumi (2005). "Socio-cultural history of Palembang Songket". Indonesia and the Malay World. Routledge. 33 (96): 205–223. doi:10.1080/13639810500283985. 
  34. ↑ Hikayat Abdullah By Hamzah Hamdani
  35. ↑ Malik 2004, hlm. 64.
  36. ↑ a b Wirawan, Nanda, 1982-. Menapak jejak songket Minangkabau. ISBN 2016350200. OCLC 948427777. http://worldcat.org/oclc/948427777. 

Daftar Pustaka

[suntiang | suntiang sumber]
  • Malik, Abdul. Corak dan Ragi Tenun Melayu Riau. Yogyakarta: Balai Kajian dan Pengembangan Budaya Melayu bekerja sama dengan penerbit AdiCita Yogyakarta. ISBN 979-9246-55-5. 
Diambiak dari "https://min.wikipedia.org/w/index.php?title=Songket&oldid=3148435"