Јужен Тирол
| Болцано-Јужен Тирол | |||
|---|---|---|---|
| автономна покраина | |||
| |||
 Јужен Тирол (во црвена боја) на картата на Италија | |||
| Земја |  Италија | ||
| Регион | Трентино-Јужен Тирол | ||
| Главен град | Болцано | ||
| Општини | 116 | ||
| Управа | |||
| • Орган | Ландтаг (Совет) | ||
| Површина | |||
| • Вкупна | 7.399,97 км2 (285,714 ми2) | ||
| Население (1 јануари 2019) | |||
| • Вкупно | 531.178 | ||
| • Густина | 0,72/км2 (1,9/ми2) | ||
| Час. појас | CET (UTC+1) | ||
| • Лето (ЛСВ) | CEST (UTC+2) | ||
| Поштенски код | 39XXX | ||
| Тел. префикси | 0471, 0472, 0473, 0474 | ||
| Рег. таб. | BZ | ||
| БДП (номинално) | €24.8 билиони (2018)[1] | ||
| БДП по глава на жител | €47,100 (2018)[2] | ||
| ИЧР (2018) | 0.888[3] многу високо · 10-ти од 21 (во Италија) | ||
| ISTAT | 021 | ||
| Мреж. место | provincia.bz.it | ||
Јужен Тирол — автономна покраина во Северна Италија, една од двете кои го сочинуваат автономниот регион Трентино-Јужен Тирол.[4] Нејзиното официјално име е Автономна покраина Болцано-Јужен Тирол, односно на трите официјални јазици: Autonome Provinz Bozen – Südtirol на германски; Provincia autonoma di Bolzano – Alto Adige на италијански, и Provinzia autonoma de Bulsan – Südtirol на ладински, одразувајќи ги трите главни јазични групи на кои им припаѓа населението на покраината. Покраината се наоѓа во најсеверниот дел на Италија, таа е втора по големина, со површина од 7.400 квадратни километри и има вкупно население од 531.178 жители заклучно со 2019 година. Нејзин најголем и главен град е Болцано.
Според податоци од 2014 година, засновни на пописот од 2011 година, 62,3% од населението се користи со германскиот како прв јазик (стандарден германски јазик во пишана форма и австро-баварски дијалект во говорна форма); 23,4% од населението се користи со италијанскиот како прв јазик, главно во и околу двата најголеми градови (Болцано и Мерано); 4,1% зборуваат ладински, реторомански јазик, и 10,2% од населението (главно неодамнешни доселеници) се користи со друг мајчин јазик.
На покраината ѝ е доделено значително ниво на самоуправа, кое се состои од голем спектар на ексклузивни законодавни и извршни овластувања и фискален режим кој ѝ овозможува на покраината да задржи 90% од приходите, додека останува нето-придонесувач во националниот буџет. Во 2016 година, Јужен Тирол била најбогатата покраина во Италија и меѓу најбогатите во Европската унија.
Во поширокиот контекст на Европската унија, покраината е една од трите членки на еврорегионот Тирол-Јужен Тирол-Трентино, кој речиси одговара со историскиот регион Тирол. Другите членки се државата Тирол во Австрија, на север и исток, и италијанската автономна покраина Тренто на југ.
Поврзано
[уреди | уреди извор]Наводи
[уреди | уреди извор]- ↑ „Eurostat – Tables, Graphs and Maps Interface (TGM) table“. European Commission. 12 August 2011. Посетено на 2 September 2019.
- ↑ ec.europa.eu. "Regional GDP per capita ranged from 30% to 263% of the EU average in 2018". Соопштение за печат.
- ↑ „Sub-national HDI – Area Database – Global Data Lab“. hdi. globaldatalab.org (англиски). Посетено на 13 September 2018.
- ↑ [1] Архивирано на 25 септември 2019 г. Statuto speciale per il Trentino-Alto Adige .