Квир или Queer е сеопфатен поим за половите или родови малцинства кои не се ниту хетеросексуални ниту цис-родови. Поимот е со англиско потекло, а во главно означува нешто што е „чудно“, „невообичано“ или „настрано“, нешто што отстапува од нормите. Зборот квир отпрвин бил користен со пејоративно значење, односно со цел деградирање на истополовоста. Во 1980-тите, зборот е преземен од геј-активисти и прифатен со намерно провокативно и политички радикално значење.[1][2] Од 2000-тите наваму, квир сѐ повеќе се користи за означување на најразлични ненормативни сексуални и родови политики и идентитети. Академските дисциплини како квир-теоријата или квир студиите во главно стојат наспроти бинаризмот, нормативноста и недостатокот на интерсекционалноста, само во мал допир со ЛГБТ движењето.
