Tim nazzjonali tal-futbol tar-Repubblika Ċeka

Repubblika Ċeka

Assoċjazzjoni	Českomoravský fotbalový svaz
Konfederazzjoni	UEFA (Ewropa)
Kowċ	Michal Bílek
Kaptan	Tomáš Rosický
Stadju prinċipali	AXA Arena Na Stínadlech Stadion Eden
Kodiċi tal-FIFA	CZE
L-ewwel kulur It-tieni kulur

2014

It-tim nazzjonali tal-futbol tar-Repubblika Ċeka huwa t-tim nazzjonali tad-dixxiplina sportiva tal-futbol tar-Repubblika Ċeka u hu mmexxi mill-Českomoravský fotbalový svaz.

Storja

Qabel l-Ewwel Gwerra Dinjija, il-Boemja (ir-Repubblika Ċeka tal-lum), meta kienet parti mill-Imperu tal-Awstrija-Ungerija, huma lagħbu seba' partiti bejn l-1903 u l-1908, sitta minnhom kontra l-Ungerija u waħda kontra l-Ingilterra. Il-Boemja lagħbet ukoll partita kontra l-Jugożlavja, Osmark u l-Ġermanja fl-1939, waqt li kienet il-Protettorat tal-Boemja u l-Moravja.

Meta r-Repubblika Ċeka kienet parti miċ-Ċekoslovakkja, it-tim nazzjonali wasal darbtejn bħala finalista tellief tat-Tazza tad-Dinja (1934, 1962) u rebbieħ tal-Kampjonati Ewropej fl-1976.

Wara li ċ-Ċekoslovakkja ġiet diviża bħala r-Repubblika Ċeka u s-Slovakkja, it-tim nazzjonali tar-Repubblika Ċeka ġie ffurmat, u huma lagħbu l-ewwel logħba barra minn darhom kontra t-Turkija fl-1994, fejn rebħu 4–1. L-ewwel partita ġewwa darhom kienet kontra l-Litwanja f'Ostrava, fejn irreġistraw rebħa ta' 5–3.

L-ewwel partita kompetittiva waslet kontra Malta fejn ġewwa Ostrava rebħu bl-iskor ta' 6–1. Fil-fażi ta' kwalifika għall-Kampjonati Ewropej 1996, ir-Repubblika Ċeka rebħet Grupp 5 quddiem il-favoriti tal-Olanda, b'total ta' sitt rebħiet, tliet pari u telfa imbarazzanti kontra l-Lussemburgu. Fil-fażi finali, li sar ġewwa l-Ingilterra, iċ-Ċeki għaddew mill-fażi tal-gruppi, minkejja telfa fl-ewwel ġurnata kontra l-Ġermanja. Il-forma pożittiva tagħhom kompliet sejra u waslu sal-finali fejn tilfu 2–1 kontra l-Ġermaniżi.

Il-finali tal-1996, poġġiet liċ-Ċeki favoriti li jaqtgħu l-passaġġ għat-Tazza tad-Dinja 1998. Madanakollu, spiċċaw it-tielet fil-grupp tagħhom, taħt Spanja u l-Jugożlavja.

Madanakollu, huma mal-ewwel pattew għal dan in-nuqqas billi kkwalifikaw għall-Euro 2000, fejn rebħu l-għaxar partiti tal-grupp. It-tim, madanakollu, falla li juri l-aħjar logħob tiegħu, fejn ġew eliminati fil-fażi tal-gruppi wara rebħa waħda biss. Għal darb'oħra, iċ-Ċeki naqsu li jikkwalifikaw għat-Tazza tad-Dinja, din id-darba jispiċċaw it-tieni fil-grupp wara d-Danimarka, u jiġu megħluba 1–0 u 0–1 mill-Belġju fil-partita ta' spareġġ għal post fil-finali.

Fir-rawnd ta' kwalifikazzjoni għall-Euro 2004 huma għaddew għar-rawnd finali meta spiċċaw quddiem l-Olanda, u l-uniku punti li tilfu kienu fil-pari ta' 1–1 kontra l-Oranje. Fil-fażi finali, iċ-Ċeki waslu sas-semifinali fejn ġew megħluba finalment mill-Greċja, li kellha tirbaħ dik l-edizzjoni.

Is-sena 2006 fissret l-ewwel dehra tagħhom f'edizzjoni tat-Tazza tad-Dinja, fejn ikkwalifikaw grazzi għal żewġ rebħiet identiċi ta' 1–0 fuq in-Norveġja fil-partiti ta' spareġġ. Ġewwa l-Ġermanja, huma kienu mistennija li jgaddu għar-rawnd suċċessiv wara rebħa konvinċenti ta' 3–0 fuq l-Istati Uniti, però telfiet ta' 2–0 kontra l-Gana u l-Italja fissru li l-pjanijiet tagħhom għal passaġġ fir-rawnd li jmiss sfumaw.

Il-kampanja deludenti tat-Tazza tad-Dinja wasslet għal kampanja ta' kwalifikazzjoni għall-Kampjonati Ewropej 2008 bl-unuri, fejn spiċċaw l-ewwel fil-grupp, quddiem il-Ġermanja. Iċ-Ċeki fl-ewwel logħba rebħu lill-ospiti tal-kompetizzjoni, l-Iżvizzera, 1–0, qabel ma tilfu 3–1 kontra l-Portugall. L-aħħar logħba kienet waħda deċiżiva kontra t-Turkija hekk kif iż-żewġ timijiet kienu qed jiġġieldu għal post fil-fażi li jmiss. Iċ-Ċeki bnew vantaġġ ta' 2–0 wara siegħa logħob u meta deher li kienu huma li se jkomplu fil-kompetizzjoni, it-Turkija għamlu rimonta impressjonati fejn fi kwarta skorjaw tliet gowls u rebħu 3–2, biex eliminaw lir-Repubblika Ċeka u temmet l-esperjenza internazzjonali tal-kowċ Karel Brückner.

Wara l-falliment fil-Kampjonati Ewropej, l-attenzjoni reġgħet irritornat fuq it-Tazza tad-Dinja, fejn iċ-Ċeki ttellgħu fi Grupp 3. Huma bdew il-kampjonat b'pari ta' 0–0 kontra l-Irlanda ta' Fuq, li kienet segwita minn prestazzjoni deludenti kontra l-Polonja li sarrfet f'telfa ta' 2–1. Il-prestazzjonijiet ftit li xejn tjiebu fejn kellhom jitħabtu biex jegħlbu 1–0 lis-Slovenja, u rebħa oħra sofferta kontra San Marino, u pari ta' mingħajr gowls kontra s-Slovenja. Il-partita segwenti, telfa ta' 2–1 ġewwa darhom kontra l-ġiriena tas-Slovakkja fissret l-aħħar partita ta' Petr Rada man-nazzjonal u poġġiet liċ-Ċeki f'pożizzjoni kritika. Ivan Hašek ħa l-presidenza tal-federazzjoni Ċeka u tat-tim taħt idejh, fejn l-affarijiet tjiebu xi ftit b'pari barra minn darhom kontra s-Slovakkja u reħba kbira ta' 7–0 fuq San Marino. Huma marru għall-partita ta' qabel tal-aħħar bil-ħsieb li jirbħu kontra l-Pollakki, u s-Slovakkja ma titlifx kontra s-Sloveni. Minkejja li huma rnexxielhom jagħmlu dan, is-Slovakki tilfu 2–0, li fissret li San Marino kellhom iżommu lil San Marino sabiex jagħtu ċans liċ-Ċeki għall-play-offs. Ir-Repubblika Ċeka raw il-ħolm tagħhom jisfuma meta spiċċaw 0–0 kontra l-Irlanda ta' Fuq u ġew miċħuda miċ-ċans ta' post fil-finali.

Skwadra attwali

Nru.	Poż.	Plejer	Data tat-twelid (età)	Preżenzi	Gowls	Klabb
1	1G	Petr Čech	20 ta' Mejju 1982 (1982-05-20)	72	0	Chelsea
16	1G	Michal Daněk	6 ta' Lulju 1983 (1983-07-06)	0	0	Viktoria Plzeň
23	1G	Jan Laštůvka	7 ta' Lulju 1982 (1982-07-07)	0	0	FC Dnipro Dnipropetrovsk
	2D	Ondřej Mazuch	15 ta' Marzu 1989 (1989-03-15)	1	0	R.S.C. Anderlecht
2	2D	Ondřej Kušnír	5 ta' April 1984 (1984-04-05)	3	0	Sparta Prague
18	2D	David Limberský	6 ta' Ottubru 1983 (1983-10-06)	4	0	FC Viktoria Plzeň
17	2D	Tomáš Hübschman	4 ta' Settembru 1981 (1981-09-04)	27	0	Shakhtar Donetsk
	2D	Roman Hubník	6 ta' Ġunju 1984 (1984-06-06)	6	1	Hertha BSC
6	2D	Tomáš Sivok	15 ta' Settembru 1983 (1983-09-15)	11	1	Beşiktaş
13	3M	Jaroslav Plašil	5 ta' Jannar 1982 (1982-01-05)	53	4	Bordeaux
8	3M	Jan Polák	14 ta' Marzu 1981 (1981-03-14)	49	7	Anderlecht
19	3M	Jan Morávek	1 ta' Novembru 1989 (1989-11-01)	2	0	Schalke
12	3M	Mario Holek	28 ta' Ottubru 1986 (1986-10-28)	3	0	Dnipro Dnipropetrovsk
21	3M	Jaroslav Černý	26 ta' Ġunju 1979 (1979-06-26)	2	0	SK Slavia Prague
4	3M	Milan Černý	16 ta' Marzu 1988 (1988-03-16)	2	1	SK Slavia Prague
7	3M	Libor Sionko	1 ta' Frar 1977 (1977-02-01)	35	8	Sparta Prague
11	3M	Daniel Pudil	27 ta' Settembru 1985 (1985-09-27)	10	2	Racing Genk
5	3M	Jan Rajnoch	30 ta' Settembru 1981 (1981-09-30)	6	0	Ankaragücü
14	3M	Rudolf Skácel	17 ta' Lulju 1979 (1979-07-17)	6	1	Larissa
	4A	Adam Hloušek	20 ta' Diċembru 1988 (1988-12-20)	3	0	Slavia Prague
10	4A	Tomáš Pekhart	26 ta' Mejju 1989 (1989-05-26)	1	0	FK Baumit Jablonec
20	4A	David Lafata	18 ta' Settembru 1981 (1981-09-18)	8	2	FK Baumit Jablonec
9	4A	Tomáš Necid	13 ta' Awwissu 1989 (1989-08-13)	14	5	CSKA Moscow
	4A	Václav Svěrkoš	1 ta' Novembru 1983 (1983-11-01)	10	3	Sochaux
15	4A	Martin Fenin	16 ta' April 1987 (1987-04-16)	12	2	Eintracht Frankfurt

Rekord fil-kampjonat il-kbar

Tazza tad-Dinja

Għar-rekord mill-1930 sal-1994, ara: Ċekoslovakkja

• 1998 – Ma kkwalifikatx
• 2002 – Ma kkwalifikatx
• 2006 – L-ewwel rawnd
• 2010 – Ma kkwalifikatx

Kampjonati Ewropej

Għar-rekord mill-1930 sal-1994, ara: Ċekoslovakkja

• 1996 – It-tieni post
• 2000 – L-ewwel rawnd
• 2004 – It-tielet post
• 2008 – L-ewwel rawnd

Tazza tal-Konfederazzjonijiet

• 1992 – Ma kkwalifikatx
• 1995 – Ma kkwalifikatx
• 1997 – It-tielet post
• 1999 – Ma kkwalifikatx
• 2001 – Ma kkwalifikatx
• 2003 – Ma kkwalifikatx
• 2005 – Ma kkwalifikatx
• 2009 – Ma kkwalifikatx

Ħoloq esterni

• Sit uffiċjali tal-federazzjoni Ċeka
• Arkivju tar-riżultati mill-1994 fuq RSSSF
• Arkivju tar-riżultati mill-1903, l-1906-08 u mill-1939 fuq RSSSF