Ñamapá
Ñamapá ye ua de las 27 ounidades federatibas de l Brasil. Stá situado la nordeste de la Region Norte, ne l Plató de las Guianas. L sou território ye de 142 828,521 Km², l que l torna l 18º maior stado de l Brasil. Ye lhemitado pul stado de l Pará, l'oeste i sul; pula Guiana Francesa, la norte; pul Ouceano Atlántico la nordeste; pula foç de l Riu Amazonas, la lheste; i pul Suriname, la noroiste.
L Ñamapá fui çmembrado de l stado de l Pará an 1943, quando fui criado l Território Federal de l Ñamapá (TFA). Permaneciu nesta cundiçon até 1988, quando l'atual Custituiçon Federal l'eilebou a stado de la Federaçon. Na bandeira de l Brasil, l Ñamapá ye repersentado pula streilha β de Perro Maior. Ñacapá, qu'era la capital de l zaparecido Território Federal de l Ñamapá zde 1944, ye l'atual capital i maior cidade de l stado, sendo sede de la Region Metropolitana de Ñacapá, formada por Ñacapá, Santana i Mazagon. Outras amportantes cidades son Lharanjal de l Jari, Oiapoque, Piedra Branca de l Amapari i Porto Grande.
