Balaiada

La Balaiada fui ua rebuolta de caráter popular, que acunteciu antre 1838 i 1841 ne l anterior de la anton Porbíncia de l Maranhon, ne l Brasil. Fui feita por pobres de la region, scrabos, fugitibos i prisioneiros. L motibo era la çputa pul cuntrole de l poder lhocal. La definitiba pacificaçon solo fui cunseguida cula anistia cuncedida pul amperador als reboltosos subrebibintes.

Antecedentes

Durante l Período regencial brasileiro l Maranhon, region sportadora de algodon, passaba por ua grabe crise eiquenómica, debido a la cuncorréncia cul género amaricano. An paralelo, la atebidade pecuária absorbie amportante cuntingente de mano-de-obra lhibre nessa region. Esses fatores splícan l ambolbimiento de eilemientos scrabos i de homes lhibres de baixa renda ne l mobimiento.

Ne l campo político acunteciu ua çputa ne l meio de la classe dominante pul poder, que se refletie ne l Maranhon oupondo, por un lhado, ls lhiberales (bien-te-bis) i ls cunserbadores (cabanos). A la época de la Regéncia de Pedro de Araújo Lima, probocando l chamado regresso cunserbador, ls cabanos maranhenses aprobeitórun la ouportunidade para alijar de l poder ls bien-te-bis, tentando, al mesmo tiempo, poner fracos inda mais estes redadeiros pula cuntrataçon de ls serbícios de baqueiros, tradecional apoio de l bien-te-bis.

L mobimiento

L eibento que dou ampeço a la rebuolta fui la detençon de l armano de l baqueiro Raimundo Gomes, de la fazenda de l padre Ampeço Mendes (bien-te-bi), por determinaçon de l sub-persidente de cámara de la bila de la Manga (Pobraçon), José Eigito (cabano). Cuntestando la detençon de l armano, Raimundo Gomes, cul apoio dun cuntingente de la Guarda Nacional, ambadiu l eidifício de la cadena pública de la poboaçon i lhibartou-lo, an dezembre de 1838. A seguir, Raimundo Gomes, cul apoio de Cosme Bento, ex-scrabo delantre de trés mil africanos fugidos, i de Manuel Francisco dos Anjos Ferreira. Para cumbaté-los fui nomeado Persidente i quemandante de las Armas de la Porbíncia, l coronel Luís Alves de Lima e Silva, que ganhou ls reboltosos na Bila de Caxias. Por esso fui promobido a General i recebiu l sou purmeiro títalo de nobreza , Baron de Caxias, i ampeça ende, la sue fase de "L PACEFICADOR"

La represson

La Balaiada (1838).

Anque las tentatibas de manipulaçon por parte de l bien-te-bis, l mobimiento adquiriu feiçon própia, salindo de cuntrole. Delantre de la porporçon alcançada, ambolbendo las camadas populares, las eilites lhocales aprossimórun-se an busca de stratégias para derrotar ls reboltosos. Delantre desse sfuorço, l gobierno regencial ambiou tropas sob l quemando de l anton Coronel Luís Alves de Lima i Silva, nomeado Persidente de la Porbíncia. Cunjugando la pacificaçon política cun ua bien sucedida oufensiba melitar, nua sucesson de cunfrontos bitoriosos oubtenida pula cuncesson de anistie als xefes reboltosos que ajudássen la represson als rebelados, oubtubo la pacificaçon de la Porbíncia an 1841.

Ls lhíderes balaios ó fúrun muortos an batailha ó acaçados. Destes redadeiros, alguns fúrun julgados i eisecutados, cumo Cosme Bento, por anforcamiento. Pula sue atuaçon na Porbíncia de l Maranhon, Lima e Silva recebiu l títalo de Baron de Caxias.