Waterburcht
Een waterburcht of waterslot is n soorte kasteel woarbi-j de kasteelsamenstelling dreks umgaeven is deur ne brede grachte of ebouwd is in 'n meer, ne reviere of aander water. Et kasteel steet neet boaven op ne motte en et hoes is neet umgeaven deur bi-jkommende verdeadigingsmuurn. De buutenmuurn van et hoes zelf bunt de belangriekste verdeadegingswarken. De huze stoat mangsmoal rundumme nen binnenhof, en meugelek wodt dee dele van den wier verbunden deur ne schildmure.
Hooktoorns zorgt veur ne bi-jkommende verdeadiging. Veurbeelden van dit soorte kastele bunt et Muderslot in Muden, et waterkasteel van Schoonbeek, et Kasteel Radboud in Medemblik, de kommanderi-je van Alden Biesen in Riekhoven en de Ruïne van Brederode in Santpoort. Slot Egeskov in Denemarken wöd ezene as ene van de mooiste en best bewoarde waterburchten in Europa.