Ännern vun Georg Gröning

[[Bild:Georg Gröning - 1800.jpg|thumb|Georg Gröning]]

'''Georg Gröning''' (* [[23. August]] [[1745]] in [[Bremen]]; † [[1. August]] [[1825]] in Bremen) weer Senator un [[Bremer Börgermeester]].

[[1781]] is he in den [[Bremer Senat]] wählt wurrn. Vun [[1796]] bit [[1808]] weer he up dat Flach vun de Butenpolitik togange. Besünners leifig hett he sik mit de Franzosen verstahn un hett dat so henböögt, dat in dat Jahr [[1802]] un [[1803]] de Bremer Staat noch mehr Land dorto kregen hett. Dormals hett he dat mit sien Verhanneln ok henkregen, dat de Toll up de [[Werser]] bi [[Elsfleth]] nah teihn Jahren afschafft weern scholl. Vunwegen de [[Franzosentiet]] is dat dor denn nich to kamen un eerst [[1820]] is he vunwegen dat Streven vun [[Johann Smidt (Börgermeester)|Johann Smidt]] upgeven wurrn. 

In de Franzosentiet weer he Bremer Afoornten in de ''Sellschup för dat Gesettgeben'' in [[Paris]], man dor heel he sik vörsichtig torüch. [[1814]] is he to’n Börgermeester wählt wurrn, man dor güng dat al mit siene Gesundheit bargdal. [[1821]] möss he Bott geben, wiel he nich mehr torecht keem.

Gröning weer de Swiegersöhn vun den Bremer Börgermeester [[Heinrich Köhne jun.]]. De Bremer Börgermeester [[Albert Gröning (1839–1903)|Albert Gröning]] (1839-1903) weer sien Grootsöhn. 

==Literatur==
* Wilhelm von Bippen: Gröning, Georg. In: Allgemeine Deutsche Biographie (ADB). Band 9, Duncker & Humblot, Leipzig 1879, S. 717–719.

{{DEFAULTSORT:Groning, Georg}}
[[Kategorie:Bremen]]
[[Kategorie:Historie]]
[[Kategorie:Mann]]
[[Kategorie:Politiker (Düütschland)]]
[[Kategorie:Senator (Bremen)]]
[[Kategorie:Börgermeester (Bremen)]]
[[Kategorie:Boren 1745]]
[[Kategorie:Storven 1825]]