Ännern vun Judas

'''Judas''' (Ιουδας) is de [[Koine|greeksche]] Form vun den [[Hebrääsche Spraak|hebrääschen]] [[Vornaam]] ''Juda'' (''Jehuda'' / <big>יְהוּדָה</big>) for Jungs un Mannslüde: Lüde mit düssen Naam sünd ut den [[Tanach]], ut de Geschicht vun dat [[Jodendom]], ut de late [[Antike]], ut dat [[Nee Testament]] un ut de ole [[Karkengeschicht]] bekannt. 

== Lüde ut de Bibel ==
*[[Judas Makkabäus]]: Strieder for de Freeheit vun de Joden in dat [[2. Johrhunnert v. Chr.]] 
*[[Judas Ischariot]]: een vun [[Jesus vun Nazaret|Jesus]] siene 12 [[Apostel (Jesus Christus)|Apostels]], de em later utlevert hett
*[[Judas Thaddäus]]: en annern vun Jesus siene twolf Apostels. He schall den [[Judasbreef]] schreven hebben
*[[Judas, Jesus sien Broder]], een vun Jesus siene Bröer
*Judas Thomas, na de syyrsche Tradition de Vornaam vun den Apostel [[Thomas (Apostel)|Thomas]]
*[[Judas Barsabbas]], Afgesandten up dat [[Apostelkonzil]]

== Annere Lüde ==
* [[Judas de Galiläer]], Anföhrer in en Upstand gegen [[Herodes Archelaos]] um [[6|6. n. Chr]]
* [[Judas (Schriever)]], hett um [[200|200 n. Chr.]] en christliche [[Krönk]] schreven
* [[Judas Cyriacus]], Bischop vun [[Jerusalem]] (ca. [[310]]-[[363]])

== Naamrecht (Düütschland) ==
Na dat düütsche [[Naamrecht]] draff keen Kind in Düütschland düssen Vornaam kriegen. As Grund warrt angeven, dat een sik wegen Judas Ischariot sien Verraat in de Bibel an düssen Naam stöten kann. Man sunnerlich is ok dor up hen to wiesen, dat in de Nazitied düsse Naam as [[Antisemitismus|antisemitischen]] Schimpnaam en sunnerlichen Klang harrt hett. 


[[Kategorie:Vörnaam för Jungs]]
[[Kategorie:Greeksche Spraak]]
[[Kategorie:Jodendom]]
[[Kategorie:Christendom]]
[[Kategorie:Antike]]