Boy Lornsen
Boy Lornsen (* 7. August 1922 in Keitum; † 26. Juli 1995 ok dor) weer en düütschen Bildhauer un Schriever op Hooch- un Plattdüütsch.
.jpg)
Lornsen is as Söhn vun en Fohrensmann in Keitum op Sylt boren. Na sien Abitur 1941 weer he as Fleger un Funker bi’n Kommiss. Na’n Krieg hett he sik an de Landskunstschool in Hannover för dat Fack Plastik inschreven un dor en Utbillung as Steenhauer un 1952 den Steenbildhauermeester maakt. He hett denn bet 1966 as Bildhauer in sien Warksteed in de Wurtlüüdtweut in Brunsbüttel arbeidt.
1967 hett he sien eerst Kinnerbook rutbröcht, vun Robbi, Tobbi und das Fliwatüüt, dat mächtig Spood harr. Vun dor an hett he as Schriever arbeidt. He hett Gedichten, Kinner-, Jöögd- un Billerböker un Romans vör allen för junge Lüüd maakt. Ok op Platt hett he schreven.
Lornsen sien Böker hebbt se in vele Spraken översett, ünner annern in’t Greeksche, Japaansche un Norweegsche.
Lornsen weer siet 1981 Maat vun’n düütschen P.E.N.-Club.
Lornsen hett 1972 den Friedrich-Bödecker-Pries för sien Gesamtwark kregen un 1976 den Pries vun de Japaanschen Schoolbibliothekare. 1987 hett he de Sülverne Akademieze Geismar kregen.
Warken
[ännern | Bornkood ännern]- Robbi, Tobbi und das Fliewatüüt (1967)
- Jakobus Nimmersatt (1968)
- Abakus an mini-Max (1970)
- Barrnabas und seine Welt (1972)
- Feuer im Nacken (1974)
- Dies und das kann Fridolin (1978)
- Gottes Freund und aller Welt Feind (1980)
- Auf Kaperfahrt mit der Friedlichen Jenny (1982)
- Hieronymus Bosch (1983)
- Williwitt und Fischermann (1983)
- Williwitt und der große Sturm (1983)
- Williwitt und Vogelmeier (1984)
- Ferien im Storchendorf (1984)
- Sinfunikonzert - 13 plattdeutsche Gedichte (1984)
- Tim Träumer (1985)
- Wasser, Wind und Williwitt (1985)
- Nis Puk in der Luk (1985)
- Traugott und Das Wildschwein (1985)
- Der Hase mit dem halben Ohr (1986)
- Tante Jeske (1986)
- Seenotrettungskreuzer Adolph Bermpohl (1987)
- Nis Puk - Mit der Schule stimmt was nicht (1988)
- Sie wohnen hinter dem Deich (1989)
- Schiffe: vom Einbaum zum Ozeanriesen (1989)
- Die Möwe und der Gartenzwerg oder... (1989)
- Sien Schöpfung un wat achterno keem (1991) (as Höörbook [Audio-CD] 2002 in’n Quickborn-Verlag)
- Nis Puk und die Wintermacher (1993)
- Das Wrack vor der Küste (1993)
- Jesus von Nazareth. Een Stremel Weltgeschicht. (1994)