Bremen-Veern

De Hertogdömer Bremen un Veern in dat Elv-Werser-Dreeeck hebbt en Rieksterritorium von dat Hillige Röömsche Riek billt. Seet von de Verwaltung von dit Rebeed weer Stood.

Vondaag höört dat Rebeed von Bremen-Veern to de Landkreise Cuxhoben, Stood, Rodenborg, Horborg un Oosterholt. Lüttjere Delen liggt op dat Rebeed von de Landkreise Heidkreis un Veern un de hüdige Stadt Bremerhoben oder höört to Bremen un Hamborg.

Historie

Bremen-Veern hett sik 1648 billt, as na’n Dörtigjohrigen Krieg mit’n Westfäälschen Freden dat Arzstift Bremen un dat Hoogstift Veern säkulariseert un in Realunion tohoopslaten worrn sünd un an dat Königriek Sweden füllen. Dat hett aver nich direkt to dat Königriek Sweden höört. Dat weer blots in Personalunion verbunnen un hett wieder to dat Hillige Röömsche Riek höört.

Veern leeg in’n Nedderrhiensch-Westfäälschen Riekskreis un Bremen in’n Neddersassischen.

In’n Brannenbörgsch-Sweedschen Krieg hebbt Brannenborg-Prüßen un Däänmark mit’n Bremen-Veerner Feldtog dat Rebeed besett. De Besatters sünd bet an’t Enn von’n Krieg 1679 bleven. Mit’n Freden von Saint-Germain is Bremen-Veern denn wedder an Sweden trügggahn.

Von 1712 bet 1715 hett Bremen-Veern kort to Däänmark höört. 1715 hett dat Kurförstendom Hannover Däänmark dat Rebeed afköfft. 1810 is dat Rebeed Deel von dat Königriek Westfalen worrn, wat en Satellitenstaat von Napoleon sien Kaiserriek Frankriek weer. Dat hett blots een Johr duurt, denn is 1811 dat Rebeed direkt an Frankriek fullen. Nadem de Franzosen 1813/1814 wedder verdreven worrn sünd, hett sik ut dat vörherige Kurförstendom Hannover dat Königriek Hannover billt. Binnen dit Königriek hett Bremen-Veern denn von 1823 af an de Landdrostie Stood billt. Nadem 1866 Prüßen Hannover annekteert hett, is 1885 ut de Landdrostie de Regerungsbezirk Stood worrn. Na 1945 hett dat Rebeed denn to dat Land Hannover un Neddersassen höört. De Pleeg von dat kulturelle Arv von Bremen-Veern hett vondaag de Landschopsverband Stood övernahmen.

Hertöög von Bremen un Försten von Veern (1648–1823)

Huus Wasa:

1648–1654 Christina von Sweden

Huus Pfalz-Zweibrücken:

1654–1660 Karl X. Gustav von Sweden
1660–1697 Karl XI. von Sweden
1697–1718 Karl XII. von Sweden
1718–1719 Ulrika Eleonore von Sweden (blots Anspruch, Bremen-Veern weer däänsch besett, nich von’n Kaiser belehnt)

Huus Hannover:

1715–1727 Georg I. Ludwig, König von Grootbritannien un Kurförst von Hannover (blots Anspruch, nich von’n Kaiser belehnt)
1727–1760 Georg II. August, König von Grootbritannien un Kurförst von Hannover (1733 von’n Kaiser belehnt)
1760–1820 Georg III. Wilhelm Friedrich, König von dat Vereenigte Königriek un Kurförst/König von Hannover (1803–1813 de facto ahn Macht, nadem dat Rebeed in de napoléonschen Kriege dör verscheden Besatters besett weer)
1820–1823 Georg IV. August Friedrich, König von dat Vereenigte Königriek un von Hannover (blots pro forma, de Titel weer na dat Enn von dat Hillige Röömsche Riek obsolet un Bremen-Veern is as polietsche Körperschop 1823 oplööst worrn un staatsrechtlich Deel von dat Königriek Hannover worrn)

Baaslüüd

Generalguvernörs in de Swedentied (1646/1648–1712):

1646–1663: Hans Christoph von Königsmarck
1663–1666: Gustaf Evertsson Horn
1668–1693: Henrik Horn, 1676–1679 ünnerbraken, vonwegen dat dat Rebeed in’n Brannenbörgsch-Sweedschen Krieg dör Brannenborg-Prüßen un Däänmark besett weer
1693–1693: Erik Dahlbergh
1693–1696: nüms
1696–1698: Jürgen Mellin
1698–1710: Nils Carlsson Gyllenstierna
1711–1712: Mauritz Vellingk

Vörsitters von de Regeren in de kurförstlich hannöversche Tied (1730–1807):

1715–1716: Cord Plato von Schloen, gen. Gehle
1716–1730: Johann Friedrich von Staffhorst
1730–1739: nüms

Von 1739 af an ok in Personalunion Greev von dat Land Hadeln:

1739–1759: Philipp Adolf von Münchhausen
1759–1782: Bodo Friedrich von Bodenhausen
1782–1798: Gotthelf Dietrich von Ende
1798–1800: nüms
1800–1807: Christian Ludwig von Hake

Vörsitters von de Regeren in de westfäälsche Tied (1807–1810):

1807–1810: Christian Ludwig von Hake
April 1810–Dezember 1810: Johann Julius Conrad von Schlütter

Tied von de franzöösche Annexion (1810–1813):

1810–1813: nüms

Vörsitters von de Regeren in de königlich hannöversche Tied (1813–1823):

1813–1823: Engelbert Johann von Marschalck

Kanzlers

1649–1653: Johann Stucke
1653–1656: nüms
1656–1670: Daniel Nicolai von Greiffencrantz
1670–1674: Martin von Böckel
1674–1680: nüms (in’n Nordischen Krieg weer Bremen-Veern besett)
1680–1687: Esaias von Pufendorf
1688–1695: Joachim Christian von Ehrenburg
1695–1712: Barthold Clemens von der Kuhla

Literatur

Johann Hinrich Pratje: Die Herzogthümer Bremen und Verden ein Eigenthum des Königl. Großbritannischen und Churfürstlich Braunschweig-Lüneburgischen Hauses. In: ders. (Hrsg.): Altes und Neues aus den Herzogthümern Bremen und Verden 7 (1774), S. 1–104
Karl H. Schleif: Regierung und Verwaltung des Erzstifts Bremen am Beginn der Neuzeit (1500–1645). Eine Studie zum Wesen der modernen Staatlichkeit. Hamburg 1972
Lutz Erich Krüger: Die Erwerbung Bremen-Verdens durch Hannover. Ein Beitrag zur Geschichte des großen Nordischen Krieges in den Jahren 1709–1719. Hamburg 1974
Beate-Christine Fiedler: Die Verwaltung der Herzogtümer Bremen und Verden in der Schwedenzeit 1652–1715. Organisation und Wesen der Verwaltung. Stade 1987
Jürgen Bohmbach: Ein Anzug, der nicht paßte – die Herzogtümer Bremen und Verden als schwedischer Brückenkopf, Kompensationsobjekt und militärisches Reservoir. In: Horst Wernicke, Hans-Joachim Hacker (Hrsg.): Der Westfälische Frieden von 1648 – Wende in der Geschichte des Ostseeraums. Für Prof. Dr. Dr. h. c. Herbert Ewe zum 80. Geburtstag. Greifswalder Historische Studien, Bd. 3. Hamburg 2001, S. 247–266
Jürgen Bohmbach: Anmerkungen zu einer Kulturgeschichte Stades 1645–1712. In: Kulturelle Beziehungen zwischen Schweden und Deutschland im 17. und 18. Jahrhundert. 3. Arbeitsgespräch schwedischer und deutscher Historiker in Stade am 6. und 7. Oktober 1989. Veröffentlichungen aus dem Stadtarchiv Stade, Bd. 14. Stade 1990, S. 116–122
Volker Friedrich Drecktrah: Die Gerichtsbarkeit in den Herzogtümern Bremen und Verden und in der preußischen Landdrostei Stade von 1715 bis 1879. Frankfurt am Main u. a. 2002
Brage bei der Wieden: Staatliche Ämter, Gerichte und Beamte in den Provinzen Bremen und Verden 1648–1815. In: Jahrbuch der Männer vom Morgenstern 85 (2006), S. 201–252
Christian Hoffmann: „Die bei den Brem- und Verdischen Collegiis stehenden Bedienten“. Die kurhannoversche Beamtenschaft zu Stade 1715–1810. In: Jahrbuch für Niedersächsische Landesgeschichte 78 (2006) (PDF; 7,6 MB), S. 309–346
Hans-Eckhard Dannenberg, Heinz-Joachim Schulze: Geschichte des Landes zwischen Elbe und Weser. Bd. 3: Neuzeit. Schriftenreihe des Landschaftsverbandes der Ehemaligen Herzogtümer Bremen und Verden, Bd. 9. Landschaftsverband der Ehemaligen Herzogtümer Bremen und Verden, Stade 2008
Konrad Elmshäuser: Bremen und das Elbe-Weser-Dreieck In: Stader Jahrbuch 2012, S. 481-488