Dröger

Dit Woort hett noch annere Bedüden: kiek dorför ünner Dröger (Mehrdüdig Begreep).

De Dröger is en Appraat in’n Huusholt, de de wuschenen Klamotten wedder dröög maakt. De Wäsch kummt dorbi in ene Trummel, de sik dreiht (jüst as bi de Waschmaschien). Denn warrt hitt Luft dor rin blaast. De Luft kummt vun de Wand achtern un nimmt denn den Damp op un geiht vörn dör en Flusenseev rut. De Luft warrt denn weder opdröögt oder na buten blaast.