Good Moor
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 1,97 km² | |
| Inwahners: | 125 (31. Dezember 2013) | |
| Inwahnerdicht: | 63,5 Inwahners pro km² | |
| Hööchd: | 18 m över NN | |
| Postleettall: | 21079 | |
| Vörwahl: | 040 | |
| Geograafsche Laag: | Koordinaten:53° 27′ N, 10° 1′ O53° 27′ N, 10° 1′ O | |
| Grenzen bi OSM: | 299481 
| |
 | ||
|
| ||
Good Moor (hoochdüütsch Gut Moor) is en Stadtdeel von Hamborg in’n Bezirk Horborg.
Geografie
[ännern | Bornkood ännern]Good Moor liggt op Moorgrund an’n Rand von de Masch von de Elv na de Geest. Dat Land warrt to en groten Deel noch för de Bueree bruukt un is mehrstendeels Gröönland. An’n Süüdwestrand flütt de Seevkanaal langs. Dat Water flütt över de Neelanner Wettern na de Elv hen af.
De Naveröörd sünd Neeland in’n Noorden, Bullenhusen in’n Oosten, Groot Moor un Lütt Moor in’n Süüdoosten, Mäkelfeld in’n Süden, Rönnborg in’n Süüdwesten un Wilstörp un Horborg in’n Westen.
Historie
[ännern | Bornkood ännern]1540 hett Hertog Otto I. den Seevkanaal dör dat Mäkelfeller Moor graven laten. De Kanaal weer för den Transport dor, schull de Horbörger Binnenmöhlen andrieven un helpen, dat Moor to koloniseren. Otto sien Enkel Willem August hett 1630 sien Kanzler Johann von Drebber en free Good in dat Moor schenkt. To disse Domään Kanzlershoff hett veel Land in’n hüdigen Stadtdeel höört.
Dat Herrnhuus in Good Moor is 1713 boot worrn. Dat Gebüüd is 1910 wedder afreten worrn, as de Rangeerbahnhoff an’n Hauptbahnhoff Horborg utboot worrn is.
De Oort hett vör 1885 to dat Amt Horborg tohöört. Na 1885 weer dat in’n Kreis Horborg. An’n 1. April 1937 is de Oort mit dat Groot-Hamborg-Gesett von de prüüßsche Provinz Hannover an de Stadt Hamborg wesselt.
In’n Eersten Weltkrieg sünd ölven Soldaten ut Good Moor fullen oder vermisst un in’n Tweten Weltkrieg 22.[1]
Inwahnertall
[ännern | Bornkood ännern]| Johr | Inwahners |
|---|---|
| 1848[2] | 99 Lüüd, 14 Hüüs |
| 1. Dezember 1871[3] | 70 Lüüd, 9 Hüüs |
| 1. Dezember 1910[4] | 628 |
Religion
[ännern | Bornkood ännern]Good Moor is evangeelsch-luthersch präägt un höört to dat Kaspel von de Johannis-Kark in Horborg, dat tohoop mit de Dreefaltigkeitskark de Karkengemeen Trinitatis billt.
För de Kathoolschen is de Franz-Joseph-Kark in Wilstörp tostännig. Von 1864 bet 1914 weer de St. Maria-Kark in Horborg för de Kathoolschen tostännig. Disse beiden Karken billt siet 2006 tohoop de Karkengemeen St. Maria-St. Joseph.
Politik
[ännern | Bornkood ännern]För de Wahlen to de Hambörger Börgerschop un de Bezirksversammlung tellt Good Moor to’n Wahlkreis Horborg.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht an’n Grootmoordamm.
Verenen
[ännern | Bornkood ännern]As freewillige Füürwehr is de Füürwehr Rönnborg-Good Moor för Good Moor un Rönnborg tostännig. In’n Schüttensport hett Good Moor tohoop mit Groot un Lütt Moor een Schüttenvereen, den Schüttenvereen Moor.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Good Moor liggt an de Straat Grootmoordamm, de in’n Oosten na Groot Moor löppt un von dor ünner nannern na Bullenhusen, Over un Hössen wiederföhrt. In’n Noordwesten geiht de Grootmoordamm na Horborg un münnt dor in de Bundsstraat 73. Lüttjere Straten gifft dat noch na Mäkelfeld un Rönnborg.
De Autobahn 1 löppt mernnmank dör Good moor. De Opfohrt 38 Horborg liggt so bi dree Kilometer in’n Noorden von Good Moor. Noch dichter bi is de Opfohrt 5 Horborg-Midd op de A 253 twee Kilometer in’n Noordwesten.
De nächste Bahnhoff is so bi twee Kilometer wied weg in’n Noordwesten de Hauptbahnhoff Horborg an de Nedderelvbahn, de Bahnlien Wanne-Eickel–Hamborg un de Bahnlien Hannover–Hamborg.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/hh-gut_moor.htm
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130
- ↑ http://www.gemeindeverzeichnis.de/gem1900/gem1900.htm?hannover/harburg.htm
Weblenken
[ännern | Bornkood ännern]
Cranz | Eißendörp | Francop | Good Moor | Horborg | Husbrook | Heimfeld | Langenbeek | Marmsdörp | Moorborg | Neefeld | Neegraben-Fischbek | Neeland | Oolwarder | Rönnborg | Sinstörp | Wilstörp