Graavstickel (Steernbild)

Daten to dat Steernbild Graavstickel
Naam	Graavstickel
Latiensch Beteken	Caelum
Latiensch Genitiv	Caeli
Latiensch Afkörten	Cae
Laag	süüdlich vun’n Himmelsäquater
Rektaszension	4h 20m bit 5h 5m
Deklinatschoon	-48° 44´ bit -27° 1,5´
Flach	125 Quadratgrad
Woneem to sehn	41° Noord bit 90° Süüd
Wanneer to sehn (in Düütschland)	Winter (deelwies)
Tall vun de Steerns mit Magnitude < 3^m	0
Hellste Steern, Magnitude	α Caeli, 4,45^m
Meteorströöm	–
Naversteernbiller (von Noord in’n Klockenwiesersinn)	Haas Eridanus Pennelklock Swertfisch Maler Duuv
Koort vun’t Steernbild Graavstickel

Graavstickel is de Beteken för en Steernbild an’n süüdlichen Himmel.

Utsehn

De Graavstickel besteiht ut lichtswacke Steerns, so dat dat Steernbild nich dull opfallt. He liggt süüdlich vun’n Haas un’n ööstlich vun’n Eridanus. Blots twee vun de Steerns sünd heller as de föffte Gröttenklass. In Düütschland is dat Steernbild blots in’n Dezember to sehn, un denn ok blots de nöördlichste Deel.

Historie

Dat Steernbild geiht op den franzööschen Astronom Nicolas Louis de Lacaille torüch, de in’t 18. Johrhunnert enige Rebeden vun’n süüdlichen Steernhimmel mit Naams versehn hett, de vörher noch nich bekannt weern. Anners as de klass’schen Steernbillers vun’n Noordhimmel, de to’n gröttsten Deel na mytholoogsche Figuren nöömt weern, hebbt de Steernbiller vun em faken Naams vun technische Reedschoppen kregen. De oorsprüngliche Naam weer Caela Sculptoris („Warktüüch vun’n Bildhauer“). De Graavstickel weer also en Warktüüch, dat to’n Graveren bruukt un fröher bi Kopper- oder Stahlsteken insett weer.

Objekten

Wegen sien Laag an’n süüdlichen Himmel, gifft dat in’n Graavstickel keen Steerns mit Flamsteed-Beteken.

Steerns

B	HR	Grött	Lj	Spektralklass
α	1502	4,45^m	72	F2 V
γ1	1652	4,55^m	186	K2 III
β	1503	5,05^m	91	F8 V
δ	1443	5,07^m	700	B3 V
ν	1557	6,06^m
λ	1653	6,24^m
γ2	1653	6,32^m	321	F1 III
ζ	1539	6,35^m	430	K1 IV

Dubbel- un Mehrfachsteerns

System	Grötten	Abstand
α	4,45/13^m	6,6″
γ	4,55/6,32^m	2,9″

Kiek ok

Websteden

Graavstickel. Mehr Biller, Videos oder Audiodateien to’t Thema gifft dat bi Wikimedia Commons.

De 88 modernen Steernbiller