De Kastanjenaante (Anas castanea) is en Aart ut dat Geslecht vun de Aanten an sik. Se höört to Australien siene Fauna. Dor hannelt sik dat um en lüttje Grunnelaant bi mit hoge Steern un runnen Kopp. Se is een vun de rooren Aantenaarden, de ok Water mit hogen Soltandeel lieden möögt. Regelmatig is se antodrepen in Buchten an’e See, Münnen vun Ströme, Mangroven-Bröke, Soltseen, un in’e Masch. To'n Drinken bruukt se avers Söötwater.[1] De IUCN meent, de Bestand weer bi 110.000 utwussene Aanten groot un seggt vundeswegen, de Kastanjenaante weer nich in Gefohr (Least concern). In Australien warrt de Kastanjenaante to dat Fedderwild rekent.[2]
P. J. Higgins (Rutg): Handbook of Australian, New Zealand & Antarctic Birds, Band 1, Ratites to Ducks, Oxford University Press, Oxford 1990, ISBN 0195530683
Janet Kear (Rutg): Ducks, Geese and Swans. Oxford University Press, 2005, ISBN 0198546459
Hartmut Kolbe; Die Entenvögel der Welt, Ulmer Verlag 1999, ISBN 3-8001-7442-1
