Lapilli

Lapilli, wie se an’n Kilauea op Hawaii to finnen is.

Lapilli is en Oort vun Tephra, as se bi’t Utbreken vun Vulkanen utsmeten warrt un sik dör pyroklastisch Fallen as Lockermaterial in Vulkanrebeden aflagern deit. De Naam kummt ut dat Italiensche un hett översett so veel as „Steenken“. In de Indelen vun Tephra hebbt Lapilli en middlere Grött twüschen 2 un 64 mm. Se bestaht ut Lavataltern un -brockens, Slacken oder Xenolithen.

As akkretschonäre Lapilli warrt lapilligrote Klumpen vun Aschen betekend, de bi phreatomagmatsch Utbröök utsmeten warrt. De kommt tostannen, wenn sik Aschendeelken üm en „Karn“ rüm anlagert. So en Nukleus kann en fasten Partikel wesen oder ok en Waterdrapen. So künnt se t. B. entstahn, wenn Regendrapens dör de utstött Eruptschoonssüül fallt un sik dorbi de Asch rundrüm anlagert. Akkretischonäre Lapilli kommt faken in pyroklastisch Stenen vör.