Törn

De Törn, Akt oder Optog is bi’t Theater en Afsnitt vun en Theaterstück. De Törns sünd dorvun kenntekent, dat de Vörhang vör de Böhn togeiht. Noch wieder ünnerdeelt warrn kann en Stück in Biller un Szenen. Stücken hebbt normalerwies so een bet fief Törns. Eenakter sünd faken körtere Stücken. Stücken warrt allgemeen in dree Afsneed indeelt, Expositschoon (de de Handlung inföhrt), Entwicklung (de de Handlung vörandrifft) un Oplösung (de wiest, wie sik de Verwicklungen wedder oplösen doot). Dorvun warrt vun veel Lüüd dat Indelen vun Stücken in dree Törns as dat Natürlichste ansehn. Man de Entwicklung is mehrsttiets de gröttste Deel vun de Handlung un warrt dorvun ok wedder in dree Törns opdeelt, so dat ok dat Indelen in fief Törns faken vörkummt.