सिरोसिस

सिरोसिस
वर्गीकरण व पिनेयागु श्रोत

माइक्रोग्राफय् सिरोसिस। ट्राइक्रोम स्टेन।
ICD-10	K70.3, K71.7, K74.
ICD-9	571
DiseasesDB	2729
eMedicine	med/3183  radio/175
MeSH	D008103

सिरोसिस छगू मेदिकल अवस्था ख। थ्व अवस्था क्रोनिक सें ल्वेया लिच्वः ख गुकिलि सेंया तन्तुयात फाइब्रोसिस, स्कार तन्तु व रिजेनेरेटिभ नोदुलं रिप्लेस याइ। थ्व रिप्लेसमेन्टं सेंया ज्या यायेगु क्षमता म्हो यानाबि। सिरोसिस आपालं मद्यपान, हेपाटाइटिस बि, हेपाटाइटिस सि व नन-अल्कोहोलिक फ्याटि लिभर डिजिजय् खनेदै। अथेजुसां थ्व ल्वेया यक्व मेमेगु कारण दु। थ्व ल्वेया छुं कारण अन्वेषणया क्रमय् मलुइफु। कारण मलुगु सिरोसिसयात इदियोप्याथिक धाइ।

एस्साइतिस (एब्दोमिनल क्याभितिइ ति मुनिगु अवस्था) सिरोसिसया दक्ले अप्व खनिगु कम्प्लिकेसन ख गुकिलिं मनुया जीवनया गुणस्तर म्हो याइ, संक्रमणया सम्भावना त्च्वैकिगि व लंग टर्म आउटकम बांमलाकिगि। मेमेगु ज्यान वनेफूगु अवस्था हेपाटिक इन्सेफेलोप्याथी व इसोफेजियल भेरिसेजं हि बाहा वैगु ख। सिरोसिस आपालं इरिभर्सिबल जुइ व उपचार प्रायः ल्वेया प्रोग्रेसन व कम्प्लिकेसन पनिगुलिं केन्द्रित जुइ। एड्भान्स्ड अवस्थाया सिरोसिसय् सें ट्रान्सप्ल्यान्टेसन जक्क विकल्प ल्यनि।

सिरोइस खँग्वः यवन भाषाया κιρρός [किर्होस] अर्थात म्हासुगु, tawny (ल्वचं काःगु सेंया म्हासुगु-अरेंज रंग) व अंग्रेजी मेदिकल सफिक्स -osis स्वाना दयावःगु ख। थ्व अवस्थाया ज्ञान न्हापानिसें दःसां रेने लेनेकं थ्व अवस्थाया नां सिरोसिस धका तयादिगु ख। वय्कःया सन् १८१९या ज्याय् थ्व अवस्थायात नामांकृत याःगु खनेदु। नापं, थ्व हे ज्याय् वय्कलं स्थेथोस्कोपया नं वर्णन यानादिल।

स्वयादिसँ

• सें