Andorra

	Principat d'Andorra
Vlagge van Andorra	Wåpen van Andorra
	; Ligging van Andorra
	Basisgegeavens
Officiele språke	Katalaons
Regeringsform	Konstitusionele ko-vorstendom; Parlementaere demokraosie
Godsdeenst	Katholiek
	Geografy en bevolking
Uppervlakde; - Water	Totaol: 468 km² ; -%
Koordinaten	42° 30′ N, 1° 31′ O
	Oaverige
Volksleed	El Gran Carlemany (Katalaons: De grote Karel de Grote)
Münteynheid	Euro (de fakto) (EUR)
Tydzone	+1 (wienter) +2 (zoemer)
Web \| Kode \| Tel.	.ad \| AND \| +376

Andorra (offisieel: Vorstendom Andorra, Katalaons: Principat d'Andorra) is n klaen, in-esluten vorstendom in tievens dwargstaot in t zuudwisten van Europa, in de oostelike Pyreneeën in begrinsd duur Frankrik in Spanje. t Is t zesde klaenste laand in Europa, mit n oppervlakte van 468 km² in et zo'n 85.000 inwoeners (2012). De oofdstad, Andorra la Vella, is mit 1023 meter boven zienivo de miest oog-elegen oofdstad in Europa.

t Vorstendom Andorra zo as wij dat nou kinnen is evörmd in 1278, in is onger n aandvest van 988 tot staand ekeumen. Andorra stot bekind as n vorstendom omdat t n monarchie is die eleid wort duur twie miederegerende prinsen – de Biskop van Urgell en de President van Frankrik.

Jaorliks wort Andorra bezocht duur zo'n 10,2 miljoen minsen. t Geïsolierde laand is tuggenwoordig voral ofankelik van toerisme in z'n staotus as belastingparadees. Andorra is gien lid van de Europese Unie. De offisiële taol van de Andorrezen is t Katalaons. Duur de vule immigranten sprikt mar 35% van de bevolking Katalaons; 58% sprikt Spaons. Daornaost wort ok t Fraans (7%) vuul espreuken, in binnen voral t Portugees (2100 sprekers) in t Ingels (770 sprekers) belangrikke immigrantentaolen.

Bestuurlike indeling

Andorra is in-edield in zuven parochies (parròquies, ink. parròquia):

Andorra la Vella (oofdstad)
Canillo (grootste parochie in oppervlakte)
Encamp (vuurnaamste Frankrikverbeending)
Escaldes-Engordany (op-ericht as ofsplitsing van Andorra la Vella)
La Massana (oogst-elegen parochie)
Ordino (noordelikste parochie)
Sant Julià de Lòria (zuielikste parochie)

Eutgaonde verwezing

Commons: Andorra - plaatjes, filmkes en/of gelüüdsbestanden.

Dit artikel is eskreaven in et urkersk, in de Algemene Nedersaksiese Schriefwieze.