Frukt

Omgrepet frukt har ulik tyding i daglegtale og i botanikken.

Ulike slag frukt (frå daglegspråket)

Frukt på ein marknad i Barcelona. Ananas, annona, appelsin, aprikos Banan Drue, durian Eple Fersken Granateple, grapefrukt Honningmelon Kaktusfiken, kiwi, klementin, kumquat Lime, litchi Mango Nektarin Papaya, pasjonsfrukt, plomme, pære Sitron Vassmelon

Brasilianske frukter måla av Albert Eckhout.

I daglegtale er frukt ein ting som veks på tre eller andre plantar, og som kan etast med svært lite førebuing. Frukter inneheld gjerne mykje sukker og kan hende også syrer. Dei blir hovudsakleg etne fordi dei er søte og smaker godt, og ikkje først og fremst for å metta. Ei frukt er gjerne så lita at vi kan halde ei med ei hand, men så stor at det er vanskeleg å halde fleire.

Botanisk sett er frukt ei vid tyding som omfattar den mogne fruktknuten til ein blome og frøa hans. Det me i daglegtale kallar frukt er også frukter biologisk, men det er også bær, nøtter, belgar, og i tillegg mykje anna som ikkje kan etast.

Ulike slag frukt i botanikken

Botanisk skil ein mellom to hovudtypar, ekte frukt og falsk frukt. Desse siste inneheld fleire delar av blomen enn berre fruktemnet.

Frukt i skjæringspunktet

Agurk er rekna som frukt botanisk, men ikkje i matlaging.

• Ting som er frukt etter daglegspråksdefinisjonen men ikkje etter den botaniske definisjonen
  • rabarbra
• Ting som er frukt etter den botaniske definisjonen men ikkje etter daglegspråksdefinisjonen
  • agurk, squash, graskar, mais, tomatar, grønpepper, allehånde
  • nøtter
  • bær

Bakgrunnsstoff

Commons har multimedium som gjeld: Frukt