Albanostein

Ei blokk med peperinostein frå romartida

Albanostein er ein lys tuffbergart frå Albanarfjella i Italia.

Romarane nytta steinen, som dei kalla lapis albanus, som byggestein i fleire praktbygningar og til fontener. Ein varietet av steinen kalla dei peperino. Denne steinen kan vera brun eller grå. Han inneheld fragment av basalt og kalkstein, med spreidde krystallar av augitt, mika, magnetitt, leucitt og andre liknande mineral. Namnet peperino viser til dei mørke prikkane til nokre av minerala, som kan minna om peparkorn.

Galleri

• 
  Porta Pretoria i Albano Laziale i Italia laga av peperino.
• 
  Fontene med skulpturar i peperino i Marino i Lazio

Kjelder

«Albanostein» i Store norske leksikon, snl.no.

• Delar av denne artikkelen bygger på «Peperino» frå Wikipedia på engelsk, den 22. august 2020.
  • Wikipedia på engelsk oppgav desse kjeldene:
    • Tekst frå Encyclopædia Britannica si 11. utgåve, eit leksikon som i dag er offentleg eigedom.