Batman i Tyrkia
Batman | |||
Êlih | |||
by | |||
Land | ![]() | ||
---|---|---|---|
Region | Søraust-Anatolia | ||
Provins | Batman | ||
Høgd | 540 moh. | ||
Koordinatar | 37°53′N 41°07′E / 37.883°N 41.117°E | ||
Areal | 4 654 km² | ||
Folketal | 298 342 | ||
Folketettleik | 64 / km² | ||
Borgarmeister | Nejdet Atalay | ||
Postnummer | 72x xx | ||
Retningsnummer | 0488 | ||
Bilnummer | 72 | ||
![]() Batman i Tyrkia 37°53′00″N 41°08′00″E / 37.883333333333°N 41.133333333333°E | |||
Wikimedia Commons: Batman (city) | |||
Nettstad: http://www.batman-bld.gov.tr/ |
Batman (kurdisk Êlih) er ein by Søraust-Anatolia i Tyrkia og administrasjonsstad i provinsen Batman. Han ligg på eit platå, 540 meter over havet, nær samløpet mellom elvane Batman-elva og Tigris. Batı Raman-oljefeltet, som er det største oljefeltet i Tyrkia, ligg like utanfor byen. Batman har ein lokal flyplass og ein militær flybase, som vart nytta i søk- og redningsoperasjonar under Golfkrigen.
Fram til 1950-åra var Batman ein landsby kalla Iluh med kring 3000 innbyggjarar. Då oljefelta vart oppdaga i 1940-åra førte det til rask utvikling i området og mange arbeidarar flytta inn frå andre delar av Tyrkia. I 1957 fekk landsbyen namnet Batman, kalla opp etter elva, og fekk bystatus. I løpet av dei neste 50 åra har byen vokse kraftig. Ei 511 km lang oljerøyrleidning vart bygd i 1967 frå Batman til hamnebyen Dörtyol nær det austlegaste punktet i Middelhavet for å transportere råolje frå raffineriet i Batman. I 1990 vart byen hovudstad i provinsen Batman.
Utanom olja, som er den dominerande næringa i regionen, produserer Batman drikkevarer, ferdigmat, kjemikaliar, møblar, sko, maskineri og transportutstyr. Det vart opna eit universitet i byen i 2007.
Geografi og klima
[endre | endre wikiteksten]Batman er bygd på eit flatt platå 540 meter over havet. Det er nesten ingen skog i og kring byen. Elva Iluh, ei sideelv til Batman-elva, renn gjennom byen. Byen har fleire gonger vorte råka av flaum, mellom anna i 1969, 1972, 1991, 1995 og 2006 (då 11 menneske omkom).[1][2]
Batman har eit halvtørt kontinentalklima. Vintrane er kalde og fuktige, med mykje nedbør. Somrane er varme og tørre med temperaturar over 35 °C. I snitt har Batman mange solskinstimar.[1]
Vêrdata for Batman | |||||||||||||
---|---|---|---|---|---|---|---|---|---|---|---|---|---|
Jan | Feb | Mar | Apr | Mai | Jun | Jul | Aug | Sep | Okt | Nov | Des | År | |
Høgast målte °C | 16,4 | 23,5 | 30,6 | 35,8 | 38,5 | 43 | 46,5 | 45,4 | 43,8 | 37 | 28,3 | 22,6 | 46,5 |
Gjennomsnittleg maks °C | 7,6 | 10,8 | 15,9 | 21,7 | 27,7 | 34,9 | 39,6 | 39,2 | 34,5 | 26,6 | 16,8 | 9,6 | 23,7 |
Gjennomsnittleg min °C | −1,6 | 0,2 | 3,9 | 8,3 | 11,9 | 16,6 | 20,8 | 20,1 | 15,3 | 7,1 | 5,3 | 0,4 | 9 |
Lågast målte °C | −24 | −16 | −17 | −9 | 0,9 | 5,7 | 11,8 | 11,5 | 4,4 | −3 | −6,4 | −23 | −24 |
Gjennomsnittleg nedbør mm | 56,3 | 66,3 | 74,7 | 68,5 | 40,1 | 8,8 | 0,9 | 2,2 | 4,1 | 28,2 | 55,7 | 62,2 | 468 |
Gns. luftfukt (%) | 80 | 78 | 70 | 66 | 63 | 41 | 29 | 30 | 34 | 54 | 71 | 81 | 58 |
Gns. solskinstimar i månaden | 102,3 | 123,2 | 176,7 | 219 | 297,6 | 357 | 381,3 | 356,5 | 303 | 220,1 | 153 | 93 | 2 782,7 |
Kjelde: Devlet Meteoroloji İşleri Genel Müdürlüğü[3]Weatherbase[4] |
Kjelder
[endre | endre wikiteksten]- Denne artikkelen bygger på «Batman, Turkey» frå Wikipedia på engelsk, den 22. august 2012.
- Wikipedia på engelsk oppgav desse kjeldene:
- ↑ 1,0 1,1 Balaban, 147–149
- ↑ Balaban, 157: there is a likely misprint on p. 149 and the number of killed was 11 rather than 100
- ↑ İl ve İlçelerimize Ait İstatistiki Veriler- Meteoroloji Genel Müdürlüğü. Dmi.gov.tr. Retrieved on 2011-02-12.
- ↑ http://www.weatherbase.com/weather/weatherall.php3?s=191541&refer=&units=us&cityname=Batman-Turkey