Circles av Andrea Koevska
| «Circles» Song av Andrea Koevska | ||
.jpg) | ||
| Land | Nord-Makedonia | |
| Språk | Engelsk | |
| Utgjeve | 29. januar 2022 | |
| Sjanger | Pop, moderne R&B[1] | |
| Lengd | 03:02 | |
| Selskap | Universal Music Denmark | |
| Låtskrivar(ar) | Aleksandar Masevski, Andrea Koevska | |
|---|---|---|
«Circles» (norsk 'sirklar') er ein popsong frå 2022 som vert framført av den makedonske songaren Andrea Koevska. Songen var det makedonske bidraget i Eurovision Song Contest 2022 i Torino i Italia.
Om songen
[endre | endre wikiteksten]«Circles» er skriven av Andrea Koevska saman med Aleksandar Masevski. Ifølgje Koevska handlar songen om den augneblinken ein tek lagnaden i eigne hender og innser at ein er sterk nok til å forandre livet sitt til det betre. Songen vart skriven på eit tidspunkt då Koevska levde i eit dårleg forhold, og sjølv om kjærleiken var sterk, var det umogleg å fortsette i forholdet. Tittelen spelar ifølgje Koevska på styrken ein finn når ein klarar å bryte ut av «sirklane» ein føler i slike situasjonar.[2]
Eurovision Song Contest
[endre | endre wikiteksten]Låtskrivarane sende inn bidraget til den makedonske songtevlinga Za Evrosong i regi av den makedonske ålmennkringkastaren MRT. Vinnaren av tevlinga fekk representere Nord-Makedonia i Eurovision Song Contest 2022. «Circles» var eitt av seks bidrag som vart plukka ut til tevlinga 4. februar 2022.[3][4] Bidraga vart offentleggjorde og slopne 28. januar 2022.
I finalen 4. februar vann «Circles» med 20 poeng, av desse kom 12 poeng frå den internasjonale juryen og 8 poeng frå telefonavrøystinga. Som vinnar vart «Circles» det makedonske bidraget i Eurovision Song Contest 2022.[5] Der deltok han i den andre semifinalen torsdag 12. mai. Der vart han nummer 11 av 18, éin plass unna frå å kvalifisere seg til finalen laurdag 14. mai.[6]
Kjelder
[endre | endre wikiteksten]- ↑ Rolling Stone Italia, red. (12. mai 2022). «Eurovision Song Contest 2022, le pagelle della seconda semifinale». Henta 13. mai 2022.
- ↑ «ВИДЕО | Андреа за евровизиската песна: Музиката ми помогна да го надминам лошиот период од животот». Слободен печат (på makedonsk). 21. februar 2022. Henta 15. mars 2022.
- ↑ Ibrayeva, Laura (21. januar 2022). «North Macedonia: Eurosong 2022 Participants Revealed». Eurovoix (på engelsk). Henta 21. januar 2021.
- ↑ Luukela, Sami (21. januar 2022). «MRT reveals the six national finalists for Za Evrosong 2022». ESCXTRA.com (på engelsk). Henta 21. januar 2022.
- ↑ Farren, Neil (4. februar 2022). «🇲🇰 North Macedonia: Andrea to Eurovision 2022». Eurovoix (på engelsk). Henta 4. februar 2022.
- ↑ «Second Semi-Final of Turin 2022». Eurovision.tv (på engelsk). Henta 19. juni 2022.
- Denne artikkelen bygger på «Circles» frå Wikipedia på bokmål, den 5. desember 2022.