Dartmoor
| Dartmoor | |||
| region | |||
 | |||
| Land |  England
| ||
|---|---|---|---|
 Dartmoor 50°34′00″N 4°00′00″W / 50.566666666667°N 4°W | |||
| Wikimedia Commons: Dartmoor | |||
Dartmoor er eit høglandsområde i Devon i England. Dartmoor og området rundt er verna som nasjonalpark med eit areal på 954 km².[1]
Området består av myrlandskap med fleire hundre granittoppar, kjent som tors. Det høgaste punktet er High Willhays, 621 moh. Det er svært mange fornminne i området.
Delar av Dartmoor har vorte brukt som militær skytebane i meir enn 200 år. Resten er ope for fri ferdsel, og området tiltrekker mange turistar.
Nasjonalparken blir styrt av eit National Park Authority med 22 medlemmar.
Dartmoor var med i fjernsynsserien Seven Natural Wonders som det fremste av dei sju i det sørvestlege England.
Elvar
[endre | endre wikiteksten]
Dartmoor er nedslagsfelt for mange elvar i Devon. Dart-elva, som har gjeve namn til området, byrjar med dei to elvane East Dart og West Dart, som renn saman ved Dartmeet. Andre elvar som renn ut frå Dartmoor er Teign, Taw, Tavy, Avon og Lyd.
Nokre av elvane i Dartmoor er blitt demma opp for å laga drikkevassreservoar, som Avon[2] og South Teign (Fernworthy Reservoir).[3]
Kjelder
[endre | endre wikiteksten]- ↑ «General Information Factsheet». Dartmoor National Park Authority. Arkivert frå originalen 8 September 2008. Henta 12. juli 2009.
- ↑ «Avon Dam, Devon». South West Lakes Trust. Henta 22. april 2022.
- ↑ Gearing, David. «Source Area». The Teign Catchment. Henta 24. april 2022.
- Denne artikkelen bygger på «Dartmoor» frå Wikipedia på bokmål, den 29. juni 2011.
- Denne artikkelen bygger på «Dartmoor» frå Wikipedia på engelsk, den 7. januar 2023.
