Eisaku Satō
Eisaku Satō | |||
![]() | |||
Fødd | 27. mars 1901 Tabuse | ||
---|---|---|---|
Død | 3. juni 1975 (74 år) | ||
Statsborgar av | Japan, Keiserriket Japan | ||
Yrke | politikar | ||
Institusjonar | Ministry of Railways | ||
Utdanna ved | Tōkyō Daigaku Hōgaku Seijigaku Kenkyūka Fifth High School Yamaguchi Prefectural Yamaguchi High School | ||
Mor | Shigeyo Satō | ||
Far | Hidesuke Satō | ||
Ektefelle | Hiroko Satō | ||
Barn | Satō Shinji | ||
Medlem | Shuzan bestyrelse | ||
Alle verv |
Nobels fredspris
1974
Eisaku Satō (27. mars 1901–3. juni 1975) var ein japansk politikar og nobelprisvinnar.
Tidleg liv
[endre | endre wikiteksten]Eisaku Sato voks opp i prefekturet Yamaguchi, heilt sør på øya Honshu i Japan. Han studerte ved Universitetet i Tokyo, og vart etter kvart politikar for det liberale partiet i Japan. Han heldt så fram i det liberaldemokratiske partiet etter at det liberale fusjonerte med det demokratiske partiet. Han arbeidde seg oppover i politikken, og var ein av ministrane som hadde ansvar for Sommar-OL 1964 i Tokyo.
Statsminister
[endre | endre wikiteksten]I 1964 etterfølgde Satō Hayato Ikeda som statsminister grunna Ikeda si dårlege helse. Satō vart gjenvald i 1967 og endå ein gong i 1970. Då han gjekk av i 1972 hadde han sete i tre periodar, nærmare åtte år. Satō var ein populær statsminister på grunn av Japan sin blømande økonomi. I utanrikspolitikken, der han veksla mellom å samarbeida med USA og Kina, vart det meir bylgjer. Satō støtta samarbeids- og tryggingsavtalen mellom Japan og USA, noko som førte til mange valdsame protestar i Japan, særleg blant studentane. Satō valde deretter å stengja Universitetet i Tokyo eitt år i 1969. Då han gav seg i 1972, vart han etterfølgd av Kakuei Tanaka.
Nobels fredspris
[endre | endre wikiteksten]I 1974 vann Eisaku Satō Nobels fredspris. Prisen vart delt med iren Sean MacBride. Satō vart med dette den fyrste asiaten som vann fredsprisen, og han er så langt den einaste frå Japan som har vunne prisen.
Kjelder
[endre | endre wikiteksten]- Denne artikkelen byggjer på «Eisaku Satō» frå Wikipedia på bokmål og Wikipedia på engelsk, den 17. april 2011.