Europeisk ål

Ål
Ål
Utbreiing og status
Status i verda: Kritisk truga Status i Noreg: Sterkt truga Utbreiinga av ål
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Orden:	Ålefisk Anguilliformes
Familie:	Ålefamilien Anguillidae
Slekt:	Anguilla
Art:	Ål A. anguilla
Vitskapleg namn
Anguilla anguilla Linnaeus, 1758

Europeisk ål, eller berre ål (Anguilla anguilla), er ein slangeforma fisk som lever både i salt- og ferskvatn. Ålen er utbreidd frå Nord-Afrika og nordover til Kvitsjøen. Han har eit særeige livsmønster og uklår forplanting. Ålen gyter i Sargassohavet. Yngelen spreier seg derifrå, og kjem attende etter fleire år, når han er klår til å gyta.

Når ålen er ute av vatnet, dannar han eit slim som gjer at han kan overleva lenge utan tilførsel av vatn. Dette gjer at ålen kan koma seg over små landområde. Ved transport av ålfangst på landjorda, vert ålen lagd i kar utan vatn. Slik overlever han lenger enn han ville ha gjort om han vart lagd i t.d. ein stamp med vatn.

Fangst av ål

Stilleben av ål og mulle måla av Édouard Manet i 1864

Fiske av ål går stort sett føre seg ved hjelp av teiner eller ruser, men det vert òg brukt stong på hobbybasis. Ålen er rekna som ein delikatesse, men er ein lite brukt matfisk i Noreg i dag. Det meste av ål som vert fiska i Noreg, vert eksportert til Asia, særleg Japan. Det vart i 2005 fiska 158 tonn ål i Noreg. Ålen er ein truga art, og står på raudlista. Miljøvernarar har difor bede om stopp i fisket av ål i Noreg.

Fotnotar

Kjelder

• Brev frå Noregs Naturvernforbund og WWF med krav om stopp i fiske av m.a. ål Arkivert 2007-03-05 ved Wayback Machine.
• Aschehoug og Gyldendals lille norske leksikon. Noreg 1998: Kunnskapsforlaget
  Denne biologiartikkelen er ei spire. Du kan hjelpe Nynorsk Wikipedia gjennom å utvide han.