Finn E. Kydland
| Finn E. Kydland | |||
.jpg) | |||
| Fødd | 1. desember 1943 Ålgård | ||
|---|---|---|---|
| Nasjonalitet | Noreg | ||
| Område | samfunnsøkonomi, makroøkonomi | ||
| Yrke | samfunnsøkonom, professor, vitskapsperson, universitetslærar | ||
| Institusjonar | University of California, Santa Barbara Carnegie Mellon University Universitetet i Bergen | ||
| Alma mater | Norges handelshøyskole Tepper School of Business Carnegie Mellon University | ||
| Doktorgradsrettleiar | Edward C. Prescott David Cass | ||
| Medlem | Det Norske Videnskaps-Akademi Real Academia de Ciencias Económicas y Financieras Econometric Society | ||
Finn Erling Kydland (fødd 1. desember 1943) er ein norsk økonom og nobelprisvinnar busett i USA. Hovudområda hans er makroøkonomi og politisk økonomi.
Nobelprisarbeidet
[endre | endre wikiteksten]Kydland vart tildelt Sveriges Riksbanks økonomipris til minne om Alfred Nobel for 2004 saman med Edward C. Prescott. Det han og Prescott samarbeida om var å laga ein økonomisk modell for makroteorien med utgangspunkt i mikroteori. Medan makroteori handlar om samfunnet generelt, det vil seie utvikling av inflasjon eller brutto nasjonalprodukt, handlar mikroteori om korleis enkeltpersonar og verksemder ter seg.
Modellen deira løyste problem frå 70-talet med høg inflasjon og høg arbeidsløyse som dei eldre økonomiske modellane til John Maynard Keynes ikkje kunne hanskast med. Den nye modellen gjekk ut på å binda økonomipolitikken slik at alle visste kva som kom til å skje seinare.
Personleg
[endre | endre wikiteksten]Kydland kjem opphavleg frå Gjesdal. Han skal ha fått interessa for økonomi då han byrja å føra rekneskapa for ein venn som alte opp mink. Han studerte seinare faget ved NHH og tok doktorgrada ved Carnegie Mellon University i Pittsburgh der han òg er professor. Han har den same stillinga ved University of California.
I tillegg til den djupe interessa si for økonomien liker Kydland òg bluesmusikk. Han er ein ihuga idrettsmann som har sprunge maratonløp fire gonger, og både speler og ser fotball.
Sjå òg
[endre | endre wikiteksten]Bakgrunnsstoff
[endre | endre wikiteksten]- Informasjonsside frå Carnegie Mellon University Arkivert 2004-10-10 ved Wayback Machine.
- Artikkel frå NHH sine websider Arkivert 2005-03-08 ved Wayback Machine.