Girolamo Savonarola
| Girolamo Savonarola | |
 | |
| Statsborgarskap | Duchy of Ferrara, Den florentinske republikk |
| Fødd | 21. september 1452 Ferrara |
| Død | |
| Yrke | politikar, filosof, medlem av katolsk orden, skribent, predikant, teolog, reformator |
| Språk | italiensk, latin |
| Religion | Den romersk-katolske kyrkja |
| Girolamo Savonarola på Commons | |
Girolamo Savonarola (21. september 1452–23. mai 1498) var ein italiensk botspredikant og reformator frå Ferrara. Han vart brent som kjettar i Firenze.
Savonarola var i 1490 lærar for munkane i dominikanarklosteret San Marco i Firenze, frå 1491 prior ved klosteret. Etter å ha studert Bibelen og Thomas Aquinas grundig, fekk han stort gjennomslag som botspredikant. Han snakka høgt om religiøst og moralsk forfall, og kom med profetiar om ein frykteleg straffedom mot folket.
I 1494 tolka bybuarane i Firenze som om profetiane skulle slå til, og Savonarola vart den øvste leiaren i byen. Fram til 1497 gjennomførte han eit teokratisk styre på demokratisk grunnlag.
Savonarola fekk mange fiendar, og vart lyst i bann av paven. Pest og økonomiske nedgangtider førte til at han mista tiltru. Han vart fengsla, dømd til døden, og brend på bålet etter førutgåande tortur.
Kjelder
[endre | endre wikiteksten]«Girolamo_Savonarola» i Store norske leksikon, snl.no.