Gordon Cowans

Gordon Cowans
Statsborgarskap	Storbritannia
Fødd	27. oktober 1958 (66 år) England
Idrett	fotball

Gordon Sidney Cowans (fødd 27. oktober 1958) er ein engelsk tidlegare fotballspelar. Han var midtbanespelar med framifrå teknikk.

Klubbspel

Cowans fekk sin ligadebut på Aston Villa i 1976. Med Aston Villa vann han ligacupen 1977, ligameisterskapen 1981 og europacupen 1982, den siste etter siger 1–0 mot Bayern München. Sommaren 1985 vart Cowans overført til Bari og italiensk seriefotball. Etter tre år i Italia vende han tilbake til Aston Villa i 1988. Frå 1991 til 1997 tente han til levebrødet i ei rad engelske klubbar; Blackburn Rovers, enno ein gong Aston Villa, Derby County, Wolverhampton Wanderers, Sheffield United, Bradford City, Stockport County, Burnley FC.

Landslagsspel

Cowans spelte 10 kampar på Englands landslag, den fyrste i februar 1983 og den siste i november 1990. Han skåra to landslagsmål, det fyrste mot Skottland og det siste mot Egypt. Cowans var aldri med om å tape ein landskamp.

Merittar

• Vinnar av Europacupen: 1982 med Aston Villa
• Engelsk ligameister: 1981 med Aston Villa
• Vinnar av den engelske ligacupen: 1977 med Aston Villa

Kjelder

• eu football

• Denne artikkelen bygger på «Gordon Cowans» frå Wikipedia på engelsk, den 4. juli 2024.