Inguri

Inguri
abkhasisk: Ингур, Ingur georgisk: ნგური, Enguri russisk: Ингури, Inguri
elv
Inguridalen i Svaneti
Land	Georgia
Lengd	213 km
Kjelde	Store Kaukasus
Munning	Svartehavet
Inguri 42.9547°N 43.0849°E / 42.9547; 43.0849
Wikimedia Commons: Enguri River

Inguri er ei elv vest i Georgia. Ho er 213 km lang og har sitt utspring på grensa til den autonome republikken Abkhasia. Elva spelar ei viktig rolle for vasskraftproduksjonen i området.

Elva har sitt utspring høgt i Kaukasusfjella nær det høgaste fjellet i Georgia, Sjkhara, og snor seg gjennom fjelldalane mot nordvest før ho snur sørvestover og munnar ut i Svartehavet nær Zugdidi.

Etter den georgisk-abkhasiske konflikten (1992-1993) har både Georgia og Abkhasia troppar langs elva. Russland har òg fredsbevarande styrkar her. Det einaste lovlege kryssingspunktet er den 870 meter lange Inguribrua, som vart bygd av tyske krigsfangar frå 1944 til 1948. Det finst òg fleire ulovlege overgangar over elva.

Elva spelar ei viktig rolle i georgisk kraftproduksjon. I 1988 vart Inguridemningen bygd med ei høgd på 240 meter. Dette er den største konstruksjonen i Kaukasus. Han har ein kapasitet på 1,1 millionar kubikkmeter vatn, og vasskraftverket produserer 4,5 millionar kW energi per år, om lag 40 % av den nasjonale energiproduksjonen. Kapasiteten er 1 300 megawatt.

Bakgrunnsstoff

• Inguribrua, kontrollposten mellom Georgia og Abkhasia
• Inguridemningen, statistikk og bilete Arkivert 2012-02-04 ved Wayback Machine.

Kjelde

• Denne artikkelen er basert på ei omsetjing av artikkelen Inguri frå Engelsk Wikipedia .