Ingvald Ytterstad
| Ingvald Ytterstad | |
| Statsborgarskap | Noreg |
| Fødd | 5. februar 1866 Lødingen kommune |
| Død | |
| Yrke | politikar, fiskar, bonde |
| Språk | norsk |
| Politisk parti | Frisindede Venstre, Høgre |
Ingvald Gerhard Eilertsson Ytterstad (5. februar 1866–15. juli 1952) var ein norsk gardbrukar og fiskar frå Lødingen som representerte Nordland fylke og Frisinna Venstre på Stortinget 1925-27 og siste delen av 1929-sesjonen.
Ytterstad var son til ein gardbrukar og fiskar, og skulle kom til å fylgje faren i næringsvegen. Frå 1882 dreiv han Lofot-fiske, allereie i 1885 var han høvedsmann under Lofot- og Finnmarks-fisket. Han skulle kome til å drive fiske i 58 år, 41 av dei som notformann og notreiar. I tillegg var han frå 1906 gardbrukar på Ytterstad, då han kjøpte farsgarden.
Ytterstad var medlem av heradsstyret i Lødingen frå 1909 til 1937. Tingperioden 1925-27 møtte han på Stortinget frå Nordland og for partiet Frisinna Venstre, medlem i Lønningskomiteen. Han lukkast ikkje å sikre seg fast plass for ein ny stortingsperiode, men var varamann 1928-30. Ytterstad møtte då i 1929-sesjonen frå 8. april.
Kjelder
[endre | endre wikiteksten]- Biografisk informasjon om Ingvald Ytterstad NSD Norsk senter for forskningsdatas politikararkiv