Johannes Vermeer

Jan Vermeer
Utsnitt av De koppelaarster, mogleg sjølvportrett
Statsborgarskap	Dei sameinte Nederlanda
Fødd	oktober 1632 Delft, Dei sameinte Nederlanda
Død	gravlagd 15. desember 1675 (Ca. 43 år) Delft i Dei sameinte Nederlanda
Utdanning	Mogleg elev av Carel Fabritius
Yrke	kunstmålar, kunstsamlar
Kjende verk	Jente med perleøyredobb Målaren i sitt atelier også kalla Allegori over målarkunsten
Påverka	Vilhelm Hammershøi Salvador Dalí
Periode	Barokken, den nederlandske gullalderen
Sjanger	sjangermåleri, portrett
Religion	kalvinisme, katolisisme
Far	Reijnier Janszoon Vermeer
Mor	Digna Baltus
Ektefelle	Catharina Bolenes
Johannes Vermeer på Commons

Namnetrekket til Johannes Vermeer

Jan Vermeer (nederlandsk: Johannes Vermeer, i samtida også kalla Joannis ver Meer, Joannis van der Meer) døypt/gravlagd (31. oktober 1632–15. desember 1675) var ein nederlandsk kunstmålar som no er ein av dei best kjende kunstnarane frå den nordeuropeiske barokken.

I levetida si var han kjent i Delft og Haag, men han blei fort gløymt etter at han var død; han var knapt nemnt i den store kjeldeboka om hollandsk måleri frå 1600-talet skriven av Arnold Houbraken. I nær to hundre år blei han ikkje nemnt i oversikter over nederlandsk kunst.

Vermeer spesialiserte seg på interiørscener frå middelklassen og var ein moderat framgangsrik, provinsiell sjangermålar i levetida si. Det kan sjå ut til at han aldri var særleg velståande, kanskje fordi han produserte relativt få måleri og han hadde gjeld som gjekk i arv til ektefelle og born då han døydde.

Berre 35 måleri kan med sikkerheit tilskrivast Vermeer og det mest kjende er nok Jente med perleøyredobb. Måleria er stilt ut på mellom anna Rijksmuseum, Mauritshuis, Kunsthistorisches Museum, National Gallery of Scotland, Metropolitan Museum of Art og Gemäldegalerie Alte Meister.

Utvalde illustrasjonar

• 
  Het melkmeisje (Tenestejenta) (1657-1658)
• 
  De astronoom (Astronomen) (1668)
• 
  Meisje met de parel (Jente med perleøyredobb) (1665)
• 
  De muziekles (Musikkleksjonen) (1662-65)

Bakgrunnsstoff

Wikimedia Commons har multimedia som gjeld: Johannes Vermeer

• Vermeer Foundation