Kajsa Bergqvist

Kajsa Bergqvist
Statsborgarskap	Sverige
Fødd	12. oktober 1976 (48 år) Sollentuna kommun
Idrett	friidrett
Tok del i	Sommar-OL 2000, Sommar-OL 1996

Kajsa Bergqvist i 2006

Kajsa Margareta Bergqvist (fødd 12. oktober 1976) er ein svensk tidlegare friidrettsutøvar frå Sollentuna. Ho spesialiserte seg på høgdehopp, og vart europameister i 2002 og verdsmeister i 2005. Elles vann ho fire bronsemedaljar i ulike VM, OL og EM i tida 2000-06. Bergqvist er 175 cm høg og vog 59 kg då ho var aktiv.

Aktiv

Bergqvist melde seg for alvor på i verdseliten i høgdehopp under VM i friidrett 1997. Ho vart nummer fem i meisterskapstevlinga, som vart vunnen av norske Hanne Haugland. To år seinare kom Bergqvist på delt fjerdeplass i VM, saman med to andre utøvarar.

Sitt store internasjonale gjennombrot fekk ho under dei olympiske leikane i Sydney i 2000, Bergqvist vann bronsemedaljen. Etter å vunne verdsmeisterskapen innandørs i 2001, tok ho ein ny bronsemedalje under VM i friidrett 2001 i Edmonton.

Gjennom 2002-sesongen deltok ho i 17 tevlingar og vann 14 av dei. Høgdepunktet kom då ho vart europameister i München, der ho vann med heile seks centimeters margin. Året etter sette ho personleg rekord med 2,06 m den 26. juli 2003 under ei høgdehopp-tevling i i Eberstadt. Ein månad seinare kopierte ho i Paris medaljefangsten frå førre VM og tok ein ny VM-bronse. Heile OL-sesongen 2004 gjekk ho skadd.

I 2005-sesongen kom ho sterkt tilbake og opplevde sin største triumf under friidretts-VM i Helsingfors. Her vann ho gullmedaljen med 2,02 m, hennar beste meisterskapsresultat. For denne prestasjonen vart ho tildelt Svenska Dagbladets gullmedalje.

Den 4. februar 2006 hoppa Bergqvist 2,08 meter innandørs i Arnstadt. Dermed forbetra ho tyske Heike Henkel sin innandørs verdsrekord med ein centimeter. Om sommaren same året var ho største favoritten under europameisterskapen 2006 i Göteborg, men etter ein finale med mange gode prestasjonar var det belgiske Tia Hellebaut som overraskande vann gullet, Bergqvist kom på bronseplassen.

Medaljar og plasseringar i internasjonale meisterskap

• VM 1997 i Aten: Nr 5 – 1,93 m
• VM 1999 i Sevilla: Nr 4 – 1,96 m
• OL 2000 i Sydney: Bronsemedalje – 1,99 m
• VM 2001 i Edmonton: Bronsemedalje – 1,97 m
• EM 2002 i München: Gullmedalje – 1,98 m, framom Marina Kuptsova (1,92 m)
• VM i 2003 i Paris: Bronsemedalje – 2,00 m
• VM i 2005 i Helsingfors: Gullmedalje – 2,02 m, framom Chaunte Howard (2,00 m)
• EM 2006 i Göteborg: Bronsemedalje – 2,01 m

Kjelder

• Denne artikkelen bygger på «Kajsa Bergqvist» frå Wikipedia på tysk, den 6. september 2014.