Kjeglenebb
| Kjeglenebb | |
.jpg) Blåryggkjeglenebb, Conirostrum sitticolor Foto: Félix Uribe
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Neoaves |
| Orden: | Sporvefuglar Passeriformes |
| Familie: | Tanagarar Thraupidae |
| Slekt: | Kjeglenebb Conirostrum d'Orbigny & Lafresnaye, 1838 |
Kjeglenebb, eller kjeglenebbar, er ei biologisk slekt Conirostrum av små tanagarar, Thraupidae, som lever i varierte habitat: i skogshabitat, i páramo, i fuktig tåkeskog eller habitat av lågare buskar i Sør-Amerika. Nokre artar er knytt til elver i Amazonas og jamvel atlanterhavskysten, andre lever høgre opp på begge sider av Andesfjella.
Skildring
[endre | endre wikiteksten].jpg)
.jpg)
Dette er ei gruppe som er lite einsarta i fjørdrakt, men alle er instektetarar med tynne, rettpeikande nebb. Utsjånaden av nokre artar i Amazonas kan minne om parulaer. Storleiken ligg i området 9,5 til 16,5 centimeter. Dei som lever i Andes beitar regelbunden i fleirartsflokkar.[1]
Største arten er kjempekjeglenebb på opptil 27 gram, 16,5 cm, minste er kvitøyrekjeglenebb på 7 gram, 9,5 centimeter.
Her finst stor variasjon i preferanse for høgder, perlebrystkjeglenebb held seg helst under 150 moh. i indre Amazonas, kjempekjeglenebb typisk 3300–4500 moh. Andes i Peru og Ecuador. Men arten gråkjeglenebb kan treffast i Peru frå stillehavskysten og opp til 4500 moh. i Andes.
Tamarugokjeglenebb er ein trekkfugl som hekkar i nordlege Chile og trekker nordover til sørlegaste Peru vinterstid, i april-november.
Artslista
[endre | endre wikiteksten]Conirostrum i rekkjefølgje etter EBird/Clements Checklist v2017[2] med norske namn etter Norske navn på verdens fugler:[3]
- Raudaugekjeglenebb, Conirostrum bicolor, Bicolored Conebill, Vieillot, 1809, (NT)
- Perlebrystkjeglenebb, Conirostrum margaritae, Pearly-breasted Conebill, Holt, 1931, (VU)
- Brungumpkjeglenebb, Conirostrum speciosum, Chestnut-vented Conebill, Temminck, 1824, (LC)
- Kvitøyrekjeglenebb, Conirostrum leucogenys, White-eared Conebill, Lafresnaye, 1852, (LC)
- Kjempekjeglenebb, Conirostrum binghami, Giant Conebill, Sclater, 1860, (NT)
- Kvitbrynkjeglenebb, Conirostrum ferrugineiventre, White-browed Conebill, Sclater, 1856, (LC)
- Blåryggkjeglenebb, Conirostrum sitticolor, Blue-backed Conebill, Lafresnaye, 1840, (LC)
- Kalottkjeglenebb, Conirostrum albifrons, Capped Conebill, Lafresnaye, 1842, (LC)
- Tamarugokjeglenebb, Conirostrum tamarugense, Tamarugo Conebill, Johnson & Millie, 1972, (VU)
- Rustbrynkjeglenebb, Conirostrum rufum, Rufous-browed Conebill, Lafresnaye, 1843, (LC)
- Gråkjeglenebb, Conirostrum cinereum, Cinereous Conebill, Lafresnaye & d'Orbigny, 1838, (LC)
Kjelder
[endre | endre wikiteksten]- BirdLife International (2017) IUCN Red List for birds Henta frå http://www.birdlife.org 5. november 2017
- (2017). Søk på artar i slekta Conirostrum i: del Hoyo, J., Elliott, A., Sargatal, J., Christie, D.A. & de Juana, E. (red.). Handbook of the Birds of the World Alive. Lynx Edicions, Barcelona. Hypertekst 'Species table', henta 4. november 2017
- Schulenberg, T., Stotz, D. Lane, D., O'Neill, J, & Parker, T. Birds of Peru. Christopher Helm, London. (2007) ISBN 978-0-7136-8673-9
- Referansar
- ↑ Schulenberg, side 574
- ↑ Schulenberg T.S.; M.J. Iliff; B.L. Sullivan; C.L. Wood; T. A. Fredericks; D. Roberson (august 2017), eBird/Clements Checklist v2017 (CSV), Cornell Lab of Ornithology, henta 1. september 2017
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff
[endre | endre wikiteksten]
Wikimedia Commons har multimedia som gjeld: Kjeglenebb