Merlion
Merlion (av mer, 'hav' og lion, 'løve', malayisk Singa-Laut) er eit fabeldyr med hovudet til ei løve og kroppen til ein fisk. Det er nasjonaldyr for Singapore. Namnet «Singapore» tyder 'løveby', medan namnet til fiskarlandsbyen som opphavleg var på staden var «Temasek», javanesisk for 'havby'.
Det moderne Merlion-symbolet blei utforma som logo for Singapore Tourism Board (STB) av Alec Fraser-Brunner ved Souvenir-komiteen og Van Kleef-akvariet, og var i bruk frå 1964 til 1997.[1] Symbolet har vore varemerke for STB frå 1966 til 1997, og bruken av det er framleis verna ved lov.[2]
Kombinasjonen av fisk og løve er ikkje ny, men er kjend frå ei rekkje ulike kulturar og tradisjonar. Løver med fiskehalar er avbilda i dei indiske oldtisstadene Ajanta og Mathura, og på etruskiske myntar frå hellenismen. Heraldiske sjøløver opptrer i vestleg heraldikk for byar som Portsmouth og Great Yarmouth i England, for Manila på Filippinane, og som symbol for Det britiske austindiakompaniet.
Kjelder
[endre | endre wikiteksten]- Denne artikkelen bygger på «Merlion» frå Wikipedia på engelsk, den 7. april 2014.
- Wikipedia på engelsk oppgav desse kjeldene:
- ↑ "A new home for the Merlion". URA Skyline (July/August 2000) Arkivert 2012-02-18 ved Wayback Machine.. p. 6–8
- ↑ Singapore Tourism Board: «Use of the Merlion Symbol» Arkivert 2008-12-02 ved Wayback Machine.
