Orcus Patera
Orcus Patera (latin for Orcusfatet) er eit søkk på Mars med ein storleik på 380 × 140 km orientert i retninga nordnordaust–sørsørvest. Det ligg mellom vulkanane Elysium og Olympus Mons.
Opphavet er uvisst, men det kan vera eit nedslagskrater som vart danna ved at ein mindre lekam slo inn i Mars med ein spiss vinkel; kan henda mindre enn fem grader frå det vassrette. Andre mogelege opphav er vulkanisme og deformering eller nedsliting av eitt eller fleire nedslagskrater.
Kanten til Orcus Patera når 1 800 meter over dei kringliggjande slettene. Botnen når tilsvarande 400 til 600 meter under lendet kring.