Salah Hissou

Salah Hissou
Statsborgarskap	Marokko
Fødd	16. januar 1972 (52 år) Kasba Tadla
Idrett	friidrett
Tok del i	Sommar-OL 1996

Salah Hissou (fødd 16. januar 1972) er ein marokkansk tidlegare friidrettsutøvar som vart verdsmeister på 5 000 meter under VM 1999 i Sevilla. Han vann elles bronse på 10 000 m både ved Sommar-OL 1996 og Friidretts-VM 1997.

Aktiv

Hissou deltok i yngre år mest i terrengløp. I 1995 debuterte han på bane i eit internasjonalt meisterskap og vart fjerdemann i milløpet under VM i Göteborg, nesten fem sekundar bak bronsevinnar Paul Tergat frå Kenya. Den 5. juni 1996 sette Hissou personleg rekord på 5 000 meter med 12.50,8 i eit stemne i Roma. I slutten av juli månad vann han bronsemedaljen på 10 000 m under dei olympiske sommarleikane i Atlanta, slått med i 16-17 sekundar av vinnaren Haile Gebrselassie frå Etiopia og Paul Tergat. Vel tre veker seinare, den 23.august 1996, flytta Hissou verdsrekorden på 10 000 m til 26.38,0 ved eit stemne i Brussel, ein rekord som stod seg i nesten eitt år. Innspurten på milløpet under verdsmeisterskapen 1997 i Aten var jamn, men enda med same tre på sigerspallen som i Atlanta året før; 1) Grebselassie, 2) Tergat, 3) Hissou.

Då Friidretts-VM 1999 fann stad i Sevilla, satsa Hissou på 5000 meter. På oppløpssida kjempa Hissou om sigeren mot tre andre løparar og viste seg som den klart sterkaste spurtaren.

Medaljar og plasseringar i internasjonale meisterskap

• VM 1995 i Göteborg: Nr 4 på 10 000 m – 27,19,3
• OL 1996 i Atlanta: Bronsemedalje på 10 000 m – 27.24,6
• VM 1997 i Aten: Bronsemedalje på 10 000 m – 27.28,6
• VM 1999 i Sevilla: Gullmedalje på 5 000 m – 12.58,1, framom Benjamin Limo (12.58,7)
• VM 2003 i Paris: Utslått i kvalifiseringa på 5 000 m (13.44,2 =nr 18)

Kjelder

• Denne artikkelen bygger på «Salah Hissou» frå Wikipedia på tysk, den 30. mai 2018.