Sitra

	Sitra
	السترة, As Sitra
	øy
	Kvinnelege demonstrantar på Sitra.
Land	Bahrain
guvernement	Sentral
Del av	Bahrain
Koordinatar	26°09′14″N 50°37′09″E / 26.15389°N 50.61917°E
Areal	22,45 km²
Folketal	40 000
	; Sitra; 26°09′00″N 50°37′00″E / 26.15°N 50.616666666667°E
	Kart som viser Sitra. Kart som viser Sitra.
	Wikimedia Commons: Sitra

Sitra (arabisk سترة eller سِتْرَة,^[1] òg: As Sitra,^[2] Jazīrat Sitrah^[3] og Jazīrat as Sitra^[4]) er ei øy i Sentralguvernementet i Bahrain, like aust for Bahrainøya i Persiabukta. Ho ligg sør for Manama og Nabih Saleh. Vestkysten av øya dannar eine sida av Tublibukta.

Dei fleste av innbyggjarane på øya bur i sju historiske landsbyar: Wadyan, Al Kharijiya, Marquban, Al Garrya, Mahazza, Sufala og Abul Aish. Det finst fleire fråflytta byar i Sitra, og den viktigaste av desse er Halat Um al-Baidh. Innbyggjarane på Sitra er stort sett bahrainske sjiamuslimar, med ein større sørasiatisk minoritet.

Den sunniarabiske folkesetnaden på Sitra (inkludert Al Buainain-stamma som budde i den no folketomme landsbyen Salba, vest på Sitra^[5]) forsvann tidleg i 1920-åra då dei fleste av dei døydde av kopper eller flytta attende til heimlandet sitt..^[6]

Masjid al-Mughira ibn Shu'ba, den siste attverande sunni-moskeen på øya, vart nedlagd i 2011 etter at han vart vandalisert av sjiademonstrantar.^[7]^[8]

Geografi og økonomi

Øya brukte å vere dekt av daddelpalmelundar og gardar, som fekk vatn frå fleire ferskvasskjelder. Hovudnæringa på øya var basert på jordbruk og fiske. Mangrover brukte å dekkje vestkysten, men desse har nesten heilt forsvunne på grunn av utbygging.

Nordsida av øya er utbygd til eit industriområde. Oljelagra til Bapco ligg sør på øya. Sitra er òg endestasjonen til den 42 km lange naturgassrøyrleidninga Dhahran-Sitra, som går til Dahran i Saudi-Arabia.^[9]

Sitra-vegfyllinga knyter nordsida av øya til Nabih Saleh og Umm al Hussam (Manama) på Bahrainøya. Ei lita bru i sørvest går òg frå Sitra til Bahrainøya, nær landsbyane Ma'ameer og Eker.

Historie

I 1782 oppstod det ein strid mellom lokale innbyggjarar og fleire personar frå Al Khalifa som kom frå Zubara for å kjøpe forsyningar. Det oppstod kampar som førte til at folk på begge sider vart drepne.^[10]

Sitra kommune

Kart over Bahrain som syner Sitrah kommune.

Sitra var namnet på ein kommune i Bahrain før dei vart omorganiserte som guvernement. Sitra kommune bestod av øya Sitra og tre landsbyar nær øya på hovudøya Bahrain: Ma'ameer, Eker og Nuwaidrat.^[11]

Sitra kommune dekte eit område som omfatta heile petroleumsproduksjonen til Bahrain. Det er òg eit eksportsenter for oljefelta nordaust i Saudi-Arabia. ^[12]

Kjelder

Denne artikkelen bygger på «Sitra» frå Wikipedia på engelsk, den 15. juni 2017.
- Wikipedia på engelsk oppgav desse kjeldene:

↑ «سِتْرَة: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}
↑ «As Sitra: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}
↑ «Jazīrat Sitrah: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}
↑ «Jazīrat as Sitra: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}
↑ http://www.al-buainain.com/page.php;do=show&action=mwtn^{[daud lenkje]}
↑ ويثيقة جذور العائلة الستري العتبي للشيخ عذبي بن جلوي الستري
↑ http://www.albiladpress.com/article206854-1.html
↑ http://karamabh.org/2012/07/22/الاعتداءات-على-المساجد-السنية-والمصل/
↑ «Middle East Pipelines map - Crude Oil (petroleum) pipelines - Natural Gas pipelines - Products pipelines». Theodora.com/pipelines. Henta 10. april 2017.
↑ (ar) «Summary of Baharain and Baharna's history», Al Jareesh^{[daud lenkje]}, Henta 15. juni 2017
↑ «Directory of Cities and Towns in Sitrah, Bahrain». Falling Rain. Arkivert frå originalen 26. mai 2007. Henta 15. juni 2017.
↑ «Sitrah». Encyclopædia Britannica. Henta 15. juni 2017.

[1] «سِتْرَة: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}

[2] «As Sitra: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}

[3] «Jazīrat Sitrah: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}

[4] «Jazīrat as Sitra: Bahrain, name, administrative division, geographic coordinates and map». Geographical Names. Henta 10. april 2017. ^{[daud lenkje]}

[5] ttp://www.al-buainain.com/page.php;do=show&action=mwtn^{[daud lenkje]}

[6] ويثيقة جذور العائلة الستري العتبي للشيخ عذبي بن جلوي الستري

[7] ttp://www.albiladpress.com/article206854-1.html

[8] ttp://karamabh.org/2012/07/22/الاعتداءات-على-المساجد-السنية-والمصل/

[9] «Middle East Pipelines map - Crude Oil (petroleum) pipelines - Natural Gas pipelines - Products pipelines». Theodora.com/pipelines. Henta 10. april 2017.

[10] (ar) «Summary of Baharain and Baharna's history», Al Jareesh^{[daud lenkje]}, Henta 15. juni 2017

[11] «Directory of Cities and Towns in Sitrah, Bahrain». Falling Rain. Arkivert frå originalen 26. mai 2007. Henta 15. juni 2017.

[12] «Sitrah». Encyclopædia Britannica. Henta 15. juni 2017.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

v d e Øyar i Bahrain
Naturlege	Bahrainøya · Halat Nuaim · Halat Seltah · Hawarøyane · Jiddaøya · Muharraq · Nabih Saleh · Sitra · Umm an Nasan · Umm as Sabaan
Kunstige	Amwajøyane · Durrat Al Bahrain
Bahrainsk geografi