Pyramide
Ch't' articl'ye fut c'menchie en Jèrriais
|
Eune pyramide ou piramide est eune forme géométrique tch'a eune base, des faches à trais-carre, et un coupé.
L'pus souvent dans l'architectuthe nou fait sèrvi des pyramides à base dé cârré. Ch'est la manniéthe dé pyramide qu'nou vait en Êgypte, la cheinne tch'est la pus connue (viyiz Pyramides d'Êgypte). Y'a étout des pyramides en d'grés coumme les cheinnes ès Aztèques et Mayans en Améthique. Nou vait des pyramides étout sus l'haut d's obélisques.
Dans l'architectuthe d'achteu, les pyramides du Louvre à Paris sont bein connues.
La statue du Rouai George II dans l'Vièr Marchi en Jèrri est app'lée la Pyramide, car quand la statue fut êl'vée en 1751, ou fut jutchie preunmiéthement sus des d'grés en forme dé pyramide. Chu piédestal fut rempliaichi, probabliément en 1819, mais l'nom continnuait à êt' fait sèrvi.
Diton
[amendaer | modifier le wikicode]- Haut coumme la Pyramide dans l'Vièr Marchi
