Drama satiric
Lo drama satiric es un genre literari e teatrau de la Grècia Antica. Es mau conegut car pauc de pèças an subreviscut. Liat a la tragèdia, se compausava probable de satirs que s'acabavan d'un biais tragic.
Segon la tradicion, foguèt inventat a la fin dau sègle VI avC ò au començament dau sègle V avC per Pratines. Dins un contèxte marcat per la gròssa popularitat dei tragèdias, permetiá de gardar una plaça per Dionís e sei satirs que son ròtle èra a demenir. Lo drama satiric foguèt ansin integrat au concors classic dau teatre atenenc onte leis autors devián presentar tres tragèdias e un drama satiric. Dispareguèt dau programa vèrs la fin dau sègle IV avC, probablament car lo drama èra vengut un genre autonòm e reconegut qu'aviá desenant lei sieus concors.