Edward Bransfield
Edward Bransfield (vèrs 1785, Cork - 31 d'octòbre de 1852, Brighton) es un navegaire e explorator irlandés de la premiera mitat dau sègle XIX. Oficier de la Royal Navy, es famós per son viatge dins l'Ocean Austrau menat en 1819-1821. Lo 30 de genier de 1820, tres jorns après l'explorator rus Fabian Gottlieb von Bellingshausen, descurbiguèt doas montanhas situadas lòng dau litorau d'Antartida. Aquò permetèt de confiermar l'existéncia dau continent. Durant aqueu viatge, descurbiguèt egalament la Mar de Weddell e plusors illas antarticas. Pasmens, en despiech d'aqueu succès, son viatge suscitèt pauc d'interès au Reiaume Unit e la fin de vida de Bransfield es mau coneguda.
Lo Mont Bransfield, una montanha situada a la poncha de la Peninsula Antartica, foguèt nomat en son onor per Jules Dumont d'Urville.